સાહેબે વિકાસને બદલે 22 વર્ષના છોકરાની ‘સેક્સ સીડી’ બતાવી નાંખી! વડોદરામાં હાર્દિક પટેલે બીજું શું કહ્યું, જાણો વિગતે

હાર્દિકે પ્રધાનમંત્રી પર પ્રહાર કરતા જણાવ્યું હતું કે, આપણે આવા સરસ મજાના ભયંકર જૂઠ્ઠું બોલતા પ્રધાનમંત્રી મળ્યા છે. જે આજે સી-પ્લેન લઈને આવ્યા છે પણ આ પ્લેન ભારતનું છે કે નહીં તે બધી બાબતો જાણવી જરૂરી છે. વિકાસને બદલે પાકિસ્તાન અને હિંદુ-મુસ્લિમની વાતો કરે છે.

હાર્દિકે કહ્યું હતું કે સાહેબના છેલ્લા 50 દિવસના પ્રવાસમાં ક્યાંય પણ વિકાસ વિશે સાંભળવા મળ્યું નથી. લગભગ 22 વર્ષનો વિકાસ ક્યાંય દેખાતો નથી. છેલ્લા 22 વર્ષથી તાનાશાહીનું વાતાવરણ ઊભું કર્યું છે તેમને જવાબ આપવનો સમય આવી ગયો છે. બતાવી દો તેમને તમારી તાકાત.

વડોદરા: મંગળવારે પાટીદાર અનામત આંદોલન સમિતિના નેતા હાર્દિક પટેલે ચૂંટણી પ્રચારના અંતિમ દિવસે વડોદરામાં વિશાળ રોડ શો કર્યો હતો જ્યારે સંગમ ચોકડી પાસે જાહેર સભા સંબોધી હતી. જોકે આ પહેલા વડોદરાના છાણી વિસ્તારના સરદાર ચોક પાસે હાર્દિક પટેલનું ભવ્ય સ્વાગત કરાયું હતું. હાર્દિક પટેલની જાહેર સભામાં હજારોની સંખ્યામાં પાટીદારો ઉમટી પડ્યાં હતાં.

વડોદરાની પણ ઘણી સમસ્યાઓ છે, તેના પર પણ સરકાર ધ્યાન આપતી નથી, વડોદરા વિશ્વામિત્રી રિવરફ્રન્ટનું 5 ટકા પણ કામ કરવામાં નથી આવ્યું. વડોદરામાં ઘણાં મોટા પ્રમાણમાં બેરોજગારી છે, શિક્ષણમાં સબસીડી પણ આપવામાં આવતી નથી.

હાર્દિકે કહ્યું કે, વડોદરામાં જનમેદની જોઇને મારું મનોબળ વદ્યું છે. હાર્દિક પટેલે ટોંન્ટ મારતા જણાવ્યું હતું કે, સાહેબ જેવું કહેવાની ઈચ્છા થઈ છે કે, વડોદરા સાથે મારો જુનો સંબંધ છે. બીજેપી સરકાર દ્વારા કરવામાં આવેલી નોટબંધીને લઈને હાર્દિક પટેલે કહ્યું કે, જીએસટી અને નોટબંધીના કારણે શહેરી વિસ્તારમાં બેરોજગારી વધી ગઈ છે. તે ઉપરાંત વેપાર ધંધા પણ બંધ થઈ ગયા છે.

હાર્દિક પટેલે જણાવ્યું હતું કે, નરેન્દ્ર મોદીના ગુજરાતના 50 દિવસના પ્રવાસમાં વિકાસની તો કોઈ વાત જ સાંભળવા નથી મળી. તેઓએ 22 વર્ષના શાસનમાં વિકાસ તો દેખાડ્યો નથી, પરંતુ સાહેબે 22 વર્ષના છોકરાની ‘સેક્સ સીડી’ બતાવવાનો ધંધો કર્યો છે, પરંતુ તેનાથી મને કોઈ ફરક પડતો નથી. વડોદરામાં ઘણાં યુવાનો આજે બેરોજગાર છે.

હાર્દિક પટેલે જણાવ્યું હતું કે, નરેન્દ્ર મોદીના ગુજરાતના 50 દિવસના પ્રવાસમાં વિકાસની તો કોઈ વાત જ સાંભળવા નથી મળી. તેઓએ 22 વર્ષના શાસનમાં વિકાસ તો દેખાડ્યો નથી, પરંતુ સાહેબે 22 વર્ષના છોકરાની ‘સેક્સ સીડી’ બતાવવાનો ધંધો કર્યો છે, પરંતુ તેનાથી મને કોઈ ફરક પડતો નથી. વડોદરામાં ઘણાં યુવાનો આજે બેરોજગાર છે.