હવે ગુજરાતમાં પણ ટાઈગર સફારીની મજા માણી શકાશે, જાણો ક્યાં અને ક્યારે શરૂ થશે...

આ પ્રોજેકટ પહેલા ફેઝના પ્લાનિંગ અને ડેવલોપમેન્ટ માટે ૪ કરોડ રૂપિયા ફાળવવામાં આવ્યા છે. દેવળિયા લાયન સફારીની જેમ અહીં પણ ટૂરિસ્ટ બંધ બસમાં બેસીને નજીકથી વાઘને જોવાનો લ્હાવો લઈ શકશે. ૪૦ હેકટર પાર્કમાં ૮ ઝુ-બ્રિડ વાઘ હશે, અને ચાર વાઘના બચ્ચા હશે.

મળતી માહિતી મુજબ ફાઈનલ એપ્રૂવલ મળી જાય પછી આ અરજી સેન્ટ્રલ ઝુ ઓથોરિટી ઓફ ઈન્ડિયાને મોકલવામાં આવશે અને પછી નક્કી કરવામાં આવશે કે વાઘને કયાંથી લાવવા. આ ૪૦ હેકટર પાર્કમાં ૮ ઝુ-બ્રિડ વાઘ હશે, અને ચાર વાઘના બચ્ચા હશે. કેવડિયાથી આવતા ટૂરિસ્ટનું આ સેન્ટ્રલ આકર્ષણ હશે.

ફોરેસ્ટ વિભાગ તરફથી મંજૂરી મેળવવા માટે રાજ્ય સરકારને પ્રપોઝલ પણ મોકલી દેવામાં આવી છે. એક ઉચ્ચ અધિકારીએ જણાવ્યું કે, વિભાગને ફેન્સિંગનું કામ શરૂ કરવા માટે 2 કરોડ રૂપિયા પણ મળી ગયા છે. રાજય સરકારે તિલકવાડા વિસ્તારમાં ટાઈગર સફારી બનાવવા માટે પ્રાથમિક મંજૂરી આપી દીધી છે. આ વિસ્તાર સરદાર સરોવર ડેમથી માત્ર ૨૦ કિલોમીટર જ દૂર છે.

નવી દિલ્હીઃ હવે ગુજરાતમાં પ્રવાસીઓ સિંહની સાથે સાથે ટાઈગર સફારીની મજા માણી શકશે. વર્ષ 2018 સુધીમાં ગુજરાતમાં ટાઈગર સફારા શરૂ થઈ શકે છે. ગુજરાત ફોરેસ્ટ ડિપાર્ટમેન્ટ તિલકવાડા વિસ્તારમાં અંદાજે 40 હેક્ટર્સ જમીન ટાઈગર સફારી માટે શોધી છે.