ઉનાઃ પિતાએ મોત સામે લડીને દીકરાનો બચાવ્યો જીવ, જાણો વિગત

ઉના: ગઈ કાલે રાત્રે ગીરગઢા તાલુકાના ધોકડવા ગામે દીપડાએ અલગ અલગ ત્રણ જગ્યા પર લોકો પર હુમલો કર્યો હતો. આ ત્રણેય હુમલામાં લોકોને ઇજાઓ પહોંચી છે. એક હુમલામાં દીપડાએ ચાર વર્ષીય બાળક પર હુમલો કરી દીધો હતો. જોકે, તેના પિતાએ દીપડા સામે મોતનો જંગ ખેલીને તેનો જીવ બચાવી લીધો હતો.

આ અંગેની વિગતો એવી છે કે, ગઈ કાલે રાત્રે બાર વાગ્યાની આસપાસ દીપડો રાજુભાઈ પોતાની પત્ની અને ચાર વર્ષીય બાળક સાથે અગાશી પર સૂતા હતા, ત્યારે ત્યાં દીપડો બાળકને દબોચીને ભાગ્યો હતો. જોકે, રાડારાડ થતાં રાજુભાઈ જાગી ગયા હતા અને તેમણે દીપડા પાછળ દોડીને બાળકને બચાવ્યો હતો. તેમણે દીપડાને પૂછડીથી પકડી રાખ્યો હતો અને બીજા હાથે બાળકને છોડાવવાનો પ્રયાસ ચાલું રાખ્યો હતો.