ટેટની પરીક્ષાનું પેપર 7 લાખમાં વેચાયું, 48 ઉમેદવારોને ક્યાં બોલાવીને અપાયું હતું પેપર? જાણો વિગત

સમગ્ર ગુજરાતમાં એક તરફ તલાટી કાંડની શાહી હજુ સુકાઈ નથી. ત્યારે ટેટ પેપર કાંડ બહાર આવ્યું છે. 28 જુલાઈના રોજ લેવાયેલ ટેટની પરીક્ષાનું પેપર અગાઉથી જ ફૂટી જઇ બહાર આવી ગયું હતું. આ પેપર ફોડવામાં બાયડના શિક્ષકો હોવાનું ચર્ચા ચાલી રહી છે.

કૌભાંડ આચરનારાઓએ 48 જેટલા ઉમેદવારોને ચિલોડા નજીકની હોટલ તથા અન્ય સ્થળોએે બોલાવી એક-એક ઉમેદવારો પાસેથી રૂપિયા 5થી 7 લાખ ઉઘરાવ્યાનું બહાર આવ્યું છે. કૌભાંડના પગલે હોશિયાર વિદ્યાર્થીઓના ભાવિ ઉપર મોટો પ્રશ્નાર્થ ઉભો થયો છે.