બન્ને ટેન્ક ખરાબ થતા ભારત ટેન્ક બેથલૉનમાંથી બહાર

માનવામાં આવતું હતું કે ભારત આ રેસમાં સ્વદેશી ટેંક અર્જુનને ઉતારશે પણ એવુ થયું નથી.આ રમતમાં કુલ 19 ટીમોએ ભાગ લીધો હતો. જેમાં ટોપ 4 માટે હવે ફાઇનલ મુકાબલો છે. ભાગ લેનાર ટીમમાં 21 કર્મીઓ હોય છે. તેમા ટીમના મેમ્બર સિવાય એક કોચ અને એક તકનીકી ખામી સુધારનાર ટીમ હોય છે.

હરિફાઈ ત્રણ રાઉંડમાં હોય છે. પહેલા તમામ ટીમ એકલી-એકલી ઉતરે છે અને પછી 12 ટીમ બીજા રાઉન્ડમાં પહોંચે છે અને તેમાં ટોપ 4 અંતિમ ફાઇનલ રાઉન્ડમાં જીતની રેસ લગાવે છે.

આ પ્રતિસ્પર્ધાની શરુઆતમાં ભારતીય સેનાએ શાનદાર પ્રદર્શન કર્યું હતું અને જીતનું પ્રબળ દાવેદાર પણ માનવામાં આવી રહ્યું હતું. ત્યારે ભારતીય આર્મી માટે આ હરિફાઇનો અંત નિરાશાજનક રહ્યો છે. હવે આ હરિફાઇની રેસમાં રશિયા, બેલારુસ, કઝાકિસ્તાન અને ચીન આગળ છે. રેસમાં રશિયા અને કઝાકિસ્તાન T-72B3 ટેન્ક, બેલારુસ T-72 અને ચીન 96B ટેન્ક સાથે સામેલ થયા હતા. ત્યાં ભારતે રશિયા દ્વારા ડિઝાઇન કરેલા T-90 ટેન્ક સાથે ઉતરવાનો નિર્ણય કર્યો હતો.

નવી દિલ્લી: રશિયાની રાજધાની મૉસ્કો સ્થિત અલાબીનો રેન્જમાં ચાલી રહેલા આંતરરાષ્ટ્રીય ટેન્ક બેથલૉન 2017માંથી ભારત બહાર થઇ ગયુ છે. ભારત આ રમતમાં T-90 ટેન્ક સાથે ભાગ લેવા ઉતર્યું હતું. પરંતુ આ બન્ને ટેન્કોમાં તકનીકી ખામી આવી જતાં ભારતીય સેના માટે આ હરીફાયનો અંત દૂખદ રહ્યો.