રાજસ્થાનના પૂર્વ CMને બનાવાયા ગુજરાત કોગ્રેસના પ્રભારી, પાંચ સભ્યોની સમિતિ પણ બનાવી

આ સમિતિમાં અશોક ગેહલોત સિવાય રાજીવ સાતવ, હર્ષવર્ધન, સપકલ, વર્ષા ગાયકવાડ, જીતુ પતવારીનો સમાવેશ કરવામાં આવ્યો છે. ઉલ્લેખનીય છે કે અશોક ગેહલોત 1998થી 2013 સુધી રાજસ્થાનના મુખ્યમંત્રી રહી ચૂક્યા છે.

કોગ્રેસના અધ્યક્ષા સોનિયા ગાંધીએ આગામી ગુજરાત વિધાનસભા ચૂંટણીને ધ્યાનમાં રાખીને અશોક ગેહલોતની અધ્યક્ષતામાં પાંચ સભ્યોની સમિતિ બનાવી છે. આ સમિતિ ગુજરાત કોગ્રેસ માટે ચૂંટણીલક્ષી રણનીતિ ઘડશે.

ગાંધીનગરઃ ગુજરાતમાં આગામી ડિસેમ્બર મહિનામાં યોજાનારી વિધાનસભાની ચૂંટણીને ધ્યાનમાં લઇને કોગ્રેસે ગુજરાતના પ્રભારી બદલ્યા છે. રાજસ્થાનના પૂર્વ મુખ્યમંત્રી અશોક ગેહલોતને ગુરુદાસ કામતના સ્થાને ગુજરાતના પ્રભારી બનાવવામાં આવ્યા છે.