ફટાકડા ફોડવા માટે સુપ્રીમ કોર્ટે સમયમાં કર્યો ફેરફાર, આ રાજ્યને મળી છૂટ

નવી દિલ્હીઃ સુપ્રીમ કોર્ટે દિવાળીના અવસર પર ફાટકડા ફોડવા માટે રાત્રે 8થી 10 કલાકનો સમય નક્કી કર્યો હતો, પરંતુ કોર્ટે હવે પોતાના આ આદેશમાં ફેરફાર કર્યો છે. કોર્ટનું કહેવું છે કે તમિલનાડુ, પુડુચેરી જેવા સ્થળ પર ફટાકડા ફોડવા માટે સમયમાં ફેરફાર થશે પરંતુ આ ગાળો દિવસમાં બે કલાકથી વધારે નહીં હોય. સુપ્રીમ કોર્ટે કહ્યું કે, દિવાળી અવસ પર ‘ગ્રીન ફટાકડા’નો ઉપયોગ કરવા માટે કરવામાં આવેલ આદેશ માત્ર દિલ્હી-એનસીઆર માટે હતો, ભારતના તમામ રાજ્યો માટે ન હતો.

આ પહેલા 23 ઓક્ટોબરના રોજ સુપ્રીમ કોર્ટે આદેશ કર્યો હતો કે, માત્ર લાઈસન્સ ધારક જ ફટાકડા વેચી શકે છે. ફટાકડામાં હાનિકારક કેમિકલનો ઉપયોગ કરવામાં ન આવે. ઓછા પ્રદૂષણ ધરાવતા ફટાકડા જ ફોડવામાં આવે. દિવાળી પર રાત્રે 9થી 10 કલાક સુધી જ ફટાકડા ફોડવામાં આવશે. ક્રિસમસ અને ન્યૂ યર પર માત્ર 20 મિનિટ જ ફટાકડા ફોડી શકાશે.