મુંબઇઃ ક્રિસ્ટલ ટાવરના 13માં માળે લાગી ભીષણ આગ, 4 લોકોના મોત, 16 ઇજાગ્રસ્ત

બુધવારે જ મુંબઇ ઉપરાંત નવી દિલ્હીમાં પણ એક ચાર માળની ઇમારતમાં આગ લાગી ગઇ. દિલ્હીના પહાડગંજની ચૂના મંડી ચાર માળની ઇમારતમાં આગ લાગ્યા બાદ લોકોએ ઉપરથી જ છલાંગ લગાવી દીધી હતી.

નોંધનીય છે કે આ ઇમારતની નીચે બે માળ ગોડાઉન તરીકે યૂઝ કરવામાં આવી રહ્યું હતુ જ્યારે ઉપરના માળે લોકો રહેતા હતા, લગભગ 8 ગાડીઓ આગ હોલવવામાં જોડાઇ ગઇ છે.

ઉલ્લેખનીય છે કે ક્રિસ્ટલ ટાવર, પારેલ વિસ્તારમાં આવેલી જાણીતી હિંદમાતા સિનેમાના પાસે આવેલો છે. લોકો હજુ પણ ટાવરમાં ફસાયેલા છે. તે લોકોને ક્રેનથી નીચે ઉતારવામાં આવી રહ્યાં છે. આ ઘટનામાં ઇજાગ્રસ્ત થયેલા લોકોને નજીકની કેઇએમ હૉસ્પીટલમાં લઇ જવામાં આવી રહ્યાં છે.

મુંબઇઃ મહારાષ્ટ્રની રાજધાની મુંબઇના પારેલ વિસ્તારમાં બુધારે સવારે ક્રિસ્ટલ ટાવરમાં ભીષણ આગ લાગી ગઇ છે. કહેવાઇ રહ્યું છે કે આગ ક્રિસ્ટલ ટાવરના 13માં માળે લાગી છે, આ માળ આખેઆખો રહેણાંક છે. હાલ આગ પર કાબુ મેળવવા માટે 10થી વધુ ફાયર બ્રિગેડની ગાડીઓ સ્થળ પર પહોંચી ગઇ છે. આ દૂર્ઘટનામાં ચાર લોકોના મોત થઇ ગયા છે, જ્યારે 16થી વધુ લોકોને ગંભીર ઇજા પહોંચી છે.