ભાજપના નેતાની ઘાતકી સલાહઃ જરૂર પડે તો પોલીસ પર હુમલો કરો અને તેમને મારી નાંખો

નવી દિલ્હીઃ પશ્ચિમ બંગાળમાં ભાજપના નેતા કાલોસોના મંડલે કહ્યું કે, રાજ્યની પોલીસ લોકોની દુશ્મન છે. જો લોકો ટીએમસીના કાર્યકર્તાઓની જગ્યાએ તેને નુકસાન પહોંચાડશે તો તમને કંઈ નહીં થાય. ભાજપ નેતાએ રવિવારે (6 જાન્યુઆરી) આ વાત બીરભૂમ જિલ્લામાં એક કાર્યક્રમ દરમિયાન કહી. આ દરમિયાન ભાજપ મહિલા મોર્ચાના અધ્યક્ષ લોકેટ ચેટર્જી પણ હાજર હતા.

ભાજપનો એવો આક્ષેપ છે કે, મમતા બેનર્જીનાં ઇશારે સ્થાનિક પોલીસ તેના કાર્યકરો પર ખોટા કેસો કરે છે. આવા સમયે, ભાજપનાં બે નેતાઓએ તેમના કાર્યકરોને પોલીસ પર હુમલો કરવા અને જરૂર પડે તો તેમને મારી નાંખવાની સલાહ આપી હોવાનાં આક્ષેપ સામે આવ્યા છે.