અંતરિક્ષની દુનિયામા ISROની વધુ એક ઉપલબ્ધિ, ભારતનું પ્રથમ ખાનગી સેટેલાઈટ IRNSS-1H આજે થશે લોન્ચ

આ IRNSS-1H નૌવહન ઉપગ્રહ IRNSS-1A ની જગ્યા લેશે. જેણે ત્રણ રુબીડિયમ પરમાણુ (અટોમિક ક્લોક) કામ કરવાનું બંધ કરી દીધુ હતું. IRNSS-1A ‘નાવિક’ શ્રેણીના સાત ઉપગ્રહમાં સામેલ છે. ભારતીય ક્ષેત્રીય નૌવહન ઉપગ્રહ પ્રણાલી (IRNSS) એક સ્વતંત્ર ક્ષેત્રીય નૌવહન પ્રણાલી છે. જેમાં ભારતે અમેરિકાની જીપીએસ પ્રમાણે વિકસિત કર્યું છે. રૂપિયા 1,420 કરોડનો ખર્ચવાળો ભારતીય ઉપગ્રહ નૌવહન પ્રણાલી, નાવિકમાં નવ ઉપગ્રહ સામેલ છે. જેમાં સાત કક્ષામાં અને બે વિકલ્પના રૂપમાં છે. એક વિકલ્પ IRNSS-1H છે. આ સેટેલાઈટ 1,400 કિલોગ્રામથી પણ વધારે વજન ધરાવે છે.

IRNSS-1Hને ગુરુવારે સાંજે અંતરીક્ષમાં સ્થાપિત કરવામાં આવશે. તેના માટે બુધવારથી જ 29 કલાકની ઉંધી ગણતરી શરૂ થઈ ગઈ છે. આંધ્રપ્રદેશના શ્રી હરિકોટા સ્થિત સતીશ ધવન અંતરિક્ષ કેન્દ્રના બીજા લોંચ પેડ પરથી સાંજે સાત વાગ્યો તેને લોન્ચ કરવામાં આવશે.