UPમાં સવા લાખના પગારદારી અધિકારી પાસે 600 કરોડની સંપત્તિ, લક્ઝુરિયસ કાર્સનો કાફલો

ઉત્તરપ્રદેશમાં મહાભ્રષ્ટ અધિકારીનો પર્દાફાશ થયો છે. ૧.૨૫ લાખનો પગાર મેળવતા ઉત્તર પ્રદેશના રાજકીય નિર્માણ નિગમના શિવ આશ્રય શર્મા નામના અધિકારીએ ૩૦ વર્ષની નોકરીમાં 6૦૦ કરોડથી વધુની સંપત્તિ ભેગી કરી લીધી છે.

આલિશાન ફાર્મ હાઉસમાંથી સાત કરોડની ડીલના દસ્તાવેજો પણ મળ્યા છે. આઇટી વિભાગે શિવ આશ્રય શર્મા ઉપરાંત ન્યૂઝ ચેનલ સંચાલક અને કોન્ટ્રાક્ટર અમિત શર્માના ઠેકાણાંથી પણ કેટલાક મહત્વના દસ્તાવેજો મેળવ્યા છે. હવે ઇન્કમ ટેક્સની ટીમ તપાસ કરી રહી છે કે આ ડીલ માટે કેટલા રૂપિયા આવવાના હતા, ડીલમાં કેટલી રકમ અપાઇ હતી અને ડીલ રદ થયા બાદ કેટલી રકમ પાછી આપવામાં આવી હતી.