MP: મંદસૌરમાં 'નિર્ભયા' માટે રસ્તા પર ઉતર્યા લોકો, આરોપીઓને ફાંસીની સજાની માંગ'

મંદસૌરઃ મધ્યપ્રદેશના મંદસૌરમાં સાત વર્ષની બાળકી પર ગેંગરેપની ઘટનાથી સમગ્ર દેશમાં ખળભળાટ મચી ગયો છે. મંદસૌરમાં હજારો લોકો આરોપીઓને ફાંસીની સજાની માંગ સાથે રસ્તા પર ઉતરી આવ્યા હતા. બાળકી હાલમાં આઇસીયૂમાં છે. આ મામલે પોલીસે અત્યાર સુધીમાં બે આરોપીઓની ધરપકડ કરી છે. ધરપકડ કરાયેલા એક આરોપીનું નામ ઇરફાન છે જેને સ્પેશ્યલ કોર્ટે બે જૂલાઇ સુધી પોલીસ રિમાન્ડ પર મોકલ્યો હતો. જ્યારે બીજા આરોપી આસિફની પોલીસે શુક્રવારે ધરપકડ કરી હતી.