બે લાખ રૂપિયા ભરેલો થેલો લઈને ફરાર થયો ‘લૂંટારો’ વાંદરો, પોલીસ પણ ન પકડી શકી

નાઈ કી મંડી વિસ્તારમાં રહેતા સોની વેપારી વિજય બંસલ તેમની દીકરી નૈંસી સાથે બે લાખ રૂપિયા જમા કરાવવા બેંકમાં ગયા હતા. રૂપિયા ભરેલો થેલો નૈંસીના હાથમાં હતો. બાપ-દીકરી બેંકની સીડિ ચડતા હતા ત્યારે વાંદરાના ટોળા પૈકીનો એક વાંદરો નૈંસીના હાથમાંથી થેલો છીનવીને ભાગવા લાગ્યા હતા. જે બાદ નૈંસી ગભરાઈ ગયા અને પિતા બૂમો પાડવા લાગ્યા.

સમગ્ર વિસ્તારમાં પોલીસ અને પીડિત વાંદરા અને બેગને શોધવા ફરતા રહ્યા પરંતુ કંઇ ખબર ન પડી. આખરે વેપારી થાકીને તેના ઘરે પરત ફર્યો. હવે સમગ્ર વિસ્તારમાં આ વાતની ચર્ચા થઈ રહી છે.