કોલકાતાઃ મેટ્રો ટ્રેનમાં યુવકે યુવતીને આપ્યું આલિંગન ને પછી બની અણધારી ઘટના, જાણો

કોલકાતાઃ કોલકાતામાં એક યુગલને જાહેરમાં આલિંગન કરવું ભારે પડી ગયું હતું. યુગલ મેટ્રોમાં મુસાફરી દરમિયાન એકબીજાને ભેટતાં લોકોએ તેનો વિરોધ કર્યો હતો અને તેમને સ્ટેશન પર ઉતારી માર માર્યો હતો. હાલ યુગલને માર મારતાં ફોટા સોશિયલ મીડિયા પર ભારે વાયરલ થઈ રહ્યા છે.

આ પછી અન્ય મુસાફરો પણ વૃદ્ધની તરફેણમાં બોલવા લાગ્યા હતા અને યુગલ સાથે ઝઘડવા લાગ્યા હતા. લોકોએ યુગલને હોટલમાં જઈને આવી હરકતો કરવા જણાવ્યું હતું. એટલું જ નહીં, તેમને આગલા સ્ટેશન પર ઉતારીને માર મારવાની ધમકી પણ આપી હતી.

મેટ્રો ટ્રેન દમદમ સ્ટેશન પર પહોંચતાં જ યુગલને લોકોએ નીચે ઉતારી દીધું હતું અને અહીં જ તેમની સાથે મારામારી કરી હતી. આ યુગલને છોડાવવા માટે એક યુવતી પણ વચ્ચે પડી હતી. જેને પણ ઇજા થઈ છે. હાલ આ મારામારીની તસવીરો સામે આવી છે.

આ અંગે મળતી વિગતો અનુસાર ગઈ કાલે કોલકાતામાં મેટ્રો ટ્રેનમાં મુસાફરી દરમિયાન એક યુવાન યુગલને અન્ય વૃદ્ધ મુસાફર સાથે ઝઘડો થયો હતો. નજરે જોનારા સાક્ષીઓ અનુસાર ટ્રેનમાં યુગલ એકબીજાને ભેટતા આ વૃદ્ધ મુસાફરે છોકરા-છોકરી સામે વિરોધ નોંધાવ્યો હતો.