સંયુક્ત રાષ્ટ્રએ PM મોદીને ‘ચેમ્પિયન્સ ઓફ અર્થ એવોર્ડ’થી કર્યા સન્માનિત, મોદીએ કહ્યું- આ દેશનું સન્માન

સંયુક્ત રાષ્ટ્રએ 26 સપ્ટેમ્બરે મહાસભાની ઉચ્ચસ્તરીઓ બેઠક દરમિયાન જાહેરાત કરી હતી કે, વડાપ્રધાન મોદી અને ફ્રાંસીસી રાષ્ટ્રપતિ ઇમેન્યૂએલ મેક્રોનને પોલીસી લીડરશિપ કેટેગરીમાં ચેમ્પિયનન્સ ઓફ અર્થ પુરસ્કાર આપવામાં આવે. આ સંયુક્ત રાષ્ટ્રનો સર્વોચ્ચ પર્યાવરણ પુરસ્કાર છે.

નવી દિલ્હી: વડાપ્રધાન નરેન્દ્ર મોદીને સંયુક્ત રાષ્ટ્રએ પર્યાવરણ ક્ષેત્રે ઐતિહાસિક પગલા ઉઠાવવા બદલ ‘ચેમ્પિયન્સ ઓફ અર્થ એવોર્ડ’થી સન્માનિત કર્યા છે. સંયુક્ત રાષ્ટ્રના મહાસચિવ એન્ટોનિયો ગુતારેસે પીએમ મોદીને આ એવોર્ડ એનાયત કર્યો હતો. ગુતારેસ હાલમાં ભારત પ્રવાસે છે. પીએમ મોદી સિવાય ફ્રાન્સના રાષ્ટ્રપતિ ઇમેન્યૂઅલ મેક્રોનને પણ આ એવોર્ડથી સન્માનિત કરવામાં આવ્યા છે.