નરેન્દ્ર મોદી ગુજરાતની આ સેફ સીટ પરથી લડી શકે છે લોકસભાની ચૂંટણી, જાણો કેમ ચાલી રહી છે આ અટકળો?

મોદી પોતાની પહેલી વિધાનસભા ચૂંટણી ગુજરાતના મુખ્યમંત્રી બન્યા પછી જીત્યા હતા. એ વખતે વજુભાઈ વાળાએ રાજકોટ પશ્ચિમ બેઠક મોદી માટે ખાલી કરી હતી અને પેટાચૂંટણીમાં મોદી સરળતાથી જીતી ગયા હતા. હવે મોદી 2019ના લોકસભા જંગમાં પણ રાજકોટથી જ ચૂંટણી લડે એવી શક્યતા છે.

રાજકોટને એક પછી એક મળી રહેલી મોટી ભેટ જોતાં હવે એવી ધારણા મૂકાઈ રહી છે કે આગામી લોકસભાની ચૂંટણીમાં વડાપ્રધાન મોદી સેફ સીટ તરીકે ફરીથી રાજકોટ પર પસંદગી ઉતારે. પોતાની રાજકીય કારકિર્દીની પ્રથમ ચૂંટણી મોદી રાજકોટથી લડ્યા હતા અને રાજકોટ પશ્ચિમ બેઠક પરથી જીત્યા હતા.