Corona Virus Alert: વિશ્વમાં કોરોનાથી પણ આવશે ખતરનાક મહામારી, એક્સપર્ટ વ્યક્ત કરી ચિંતા
Corona Virus Alert: સમગ્ર વિશ્વમાં ફરી એકવાર કોરોના જેવી મહામારીનો ખતરો ઉભો થયો છે, આ વખતે સ્થિતિ 2020 કરતા પણ ખરાબ થવાની છે.
Corona Virus Alert : સમગ્ર વિશ્વમાં ફરી કોરોના (Coronavirus) જેવી મહામારીનો (Pendemic) ખતરો ઉભો થયો છે, આ વખતે સ્થિતિ 2020 કરતા પણ વધુ ખરાબ થવાની છે. બ્રિટિશ નિષ્ણાતોએ આ અંગે ચેતવણી જાહેર કરી છે. બ્રિટનના ભૂતપૂર્વ મુખ્ય વૈજ્ઞાનિક સલાહકાર સર પેટ્રિક વેલેન્સે (Sir Patrick Vallance, the UK's former chief scientific advisor) દાવો કર્યો છે કે વિશ્વના દરવાજા પર વધુ એક ભયંકર રોગચાળો ઉભો છે. આને ધ્યાનમાં રાખીને દરેકે તૈયાર રહેવું જોઈએ. અત્યારે દુનિયાના ઘણા દેશોમાં ચૂંટણી (elections) ચાલી રહી છે, લોકોએ ચૂંટણીમાં આવા મુદ્દા ઉઠાવવા જોઈએ.
પેટ્રિક વેલેન્સે તમામ દેશોને સતર્ક રહેવા જણાવ્યું
પેટ્રિક વેલેન્સે કહ્યું કે હવે જે રોગચાળો આવશે તેને રોકવો લગભગ અશક્ય બની જશે. તેમણે બ્રિટનના લોકોને ચૂંટણીમાં આને મહત્વનો મુદ્દો બનાવવા જણાવ્યું હતું. તેમજ પેટ્રિક વેલેન્સે તમામ દેશોની સરકારોને સતર્ક રહેવા જણાવ્યું છે. પેટ્રિક વેલેન્સ એપ્રિલ 2018 થી 2023 સુધી બ્રિટનના મુખ્ય વૈજ્ઞાનિક સલાહકાર રહી ચૂક્યા છે. તેમના કાર્યકાળ દરમિયાન બ્રિટન સહિત સમગ્ર વિશ્વને કોરોના સામે સંઘર્ષ કરવો પડ્યો હતો. વેલેન્સે કોરોના સામે નીતિઓ બનાવી, તેમની સિદ્ધિઓ માટે તેમને વર્ષ 2022માં સરનું બિરુદ આપવામાં આવ્યું. આવી સ્થિતિમાં વેલેન્સની ચેતવણીએ ફરી એકવાર ચિંતા વધારી દીધી છે.
આ રોગ કોઈ ચિહ્નો પણ આપશે નહીં
તેમણે કહ્યું કે, 2020માં કોરોનાને કારણે યોગ્ય સારવાર લોકો સુધી પહોંચી શકી નથી, આ વખતે જરૂરી પગલાં લેવાની જરૂર છે, જેથી સારવાર અને રસી સરળતાથી લોકો સુધી પહોંચાડી શકાય. વેલેન્સે વિશ્વના G-7 દેશોને કહ્યું કે આવી સ્થિતિમાં તાત્કાલિક પગલાં લેવાનું મહત્વપૂર્ણ છે, કોરોના સમયગાળા દરમિયાન જે સિસ્ટમ બનાવવામાં આવી હતી તે હમણાં જ હળવી કરવામાં આવી છે. આવનારી મહામારી આ બેદરકારીનું પરિણામ હશે. આનો સામનો કરવા માટે આંતરરાષ્ટ્રીય સંકલનની જરૂર પડશે, આ રોગચાળો તેના આગમન પહેલા કોઈ સંકેત આપશે નહીં. તેણે વર્લ્ડ હેલ્થ ઓર્ગેનાઈઝેશનના દબાણનો પણ ઉલ્લેખ કર્યો. તમને જણાવી દઈએ કે 2020માં કોરોનાએ આખી દુનિયામાં આતંક મચાવ્યો હતો, જેમાં લાખો લોકોએ જીવ ગુમાવ્યા હતા.
ટ્રેન્ડિંગ સમાચાર
ટોપ સ્ટોરી
