Dengue Treatment: શું ડેન્ગ્યુની કોઈ સારવાર નથી? જાણો કેવી રીતે થાય છે તેની સારવાર

વરસાદની શરૂઆત થતાંની સાથે, મચ્છરોથી થતા રોગોનું જોખમ ઝડપથી વધી જાય છે, જેમાં ડેન્ગ્યુ એક સામાન્ય રોગ છે જે લોકોને સરળતાથી અસર કરી શકે છે.

ડેન્ગ્યુની સારવાર કેવી રીતે થાય છે

Source : Other

Dengue Virus Treatment: ડેન્ગ્યુ એ એક ગંભીર મચ્છરજન્ય વાયરસ છે, જે એડીસ પ્રજાતિના મચ્છરોના કરડવાથી થાય છે. વર્ષ 2019 ના ડેટા અનુસાર, સમગ્ર વિશ્વમાં 5.02 મિલિયન લોકો ડેન્ગ્યુથી પ્રભાવિત થયા હતા અને જેમ જેમ વરસાદની મોસમ નજીક આવે છે તેમ તેમ ડેન્ગ્યુના કેસ ઝડપથી વધવા લાગે છે.

તેનાથી બચવા માટે નજીકમાં ગંદકી થતી, પાણી ભરાવું કે મચ્છરોને વધતા અટકાવવા જોઈએ. પરંતુ શું તમને ખબર છે કે જો કોઈને ડેન્ગ્યુ થાય છે તો તેનો ઈલાજ કેવી રીતે થાય છે ચાલો આજે અમે તમને જણાવીએ કે કોઈ નક્કર દવા ન હોવા છતાં ડેન્ગ્યુનો ઈલાજ કેવી રીતે થાય છે. વાસ્તવમાં હજુ શુંધી ડેન્ગ્યુની કોઈ દવા શોધવામાં આવી નથી પરંતુ કેટલીક સાવધાની રાખીને તેનાથી બચી શકાય છે. કારણ કે આ એક ગંભીર બીમારી છે. 

ડેન્ગ્યુની સારવાર કેવી રીતે થાય છે?
ડેન્ગ્યુ વાયરસ માટે કોઈ રસીકરણ અથવા યોગ્ય સારવાર નથી, તેના બદલે ચેપ સામે એન્ટિબોડીઝનો ઉપયોગ કરીને ડેન્ગ્યુ વાયરસના લક્ષણોમાં ઘટાડો થાય છે. ડેન્ગ્યુના વાયરસની સારવાર માટે કોઈ ચોક્કસ દવા નથી, ડૉક્ટરો સામાન્ય રીતે એસિટામિનોફેનની સાથે પેઇનકિલર્સનો ઉપયોગ કરે છે. જો કે, ડેન્ગ્યુ દરમિયાન એસ્પિરિન દવાઓ ટાળવી જોઈએ, કારણ કે તેનાથી આંતરિક રક્તસ્રાવ વધી શકે છે.

ડેન્ગ્યુના લક્ષણો
સામાન્ય રીતે, ડેન્ગ્યુના લક્ષણો સામાન્ય વાયરસ જેવા જ હોય ​​છે, જે મચ્છર કરડ્યાના 4 થી 6 દિવસ પછી શરૂ થાય છે. આમાં અચાનક ઉંચો તાવ, માથાનો દુખાવો, આંખમાં દુખાવો, સાંધા અને સ્નાયુઓમાં દુખાવો, થાક, ઉબકા, ઉલટી, શરીર પર લાલ ધબ્બા અને નાક અથવા પેઢામાંથી લોહી આવવું પણ સામેલ છે.

આવી સ્થિતિમાં જો આ લક્ષણો દેખાય તો તરત જ ડોક્ટરનો સંપર્ક કરો અને ડેન્ગ્યુથી બચવા માટે મચ્છર ભગાડનાર સ્પ્રેનો ઉપયોગ કરો, બહાર જતી વખતે ફુલ બાંયના શર્ટ કે ટી-શર્ટ પહેરો, સાંજે ઘરની બારી-બારણા બંધ કરો અથવા જાળીનો ઉપયોગ કરો. ઘરની આસપાસ કચરો કે પાણી જમા ન થવા દો, કારણ કે તેમાં ડેન્ગ્યુના વાયરસ ઝડપથી વધે છે.

Disclaimer: સમાચારમાં આપવામાં આવેલી કેટલીક માહિતી મીડિયા રિપોર્ટ્સ પર આધારિત છે. કોઈપણ સૂચનને અમલમાં મૂકતા પહેલા, તમારે સંબંધિત નિષ્ણાતની સલાહ લેવી જોઈએ.