Mango Storage Tips: શું ફ્રિજમાં રાખવી જોઇએ કેરી, જાણો સ્ટોર કરવાની યોગ્ય રીત
Mango Storage Tips:કેરીની મોસમ શરૂ થઈ ગઈ છે. તમે કદાચ કેરી ખરીદી અને સંગ્રહ કરવાનું શરૂ કરી દીધું હશે, પરંતુ શું તમે જાણો છો કે કેરીને કેરી રીતે સ્ટોર કરવી, જાણીએ સ્ટોર કરવાની યોગ્ય અને સાચી રીત .
- કેરીને રેફ્રિજરેટરમાં ન રાખવી, સ્વાદ-પોષક તત્વોનું નુકસાન થાય.
- કાચી કેરીને રૂમ ટેમ્પરેચર પર પાકવા દેવી શ્રેષ્ઠ છે.
- પાકેલી કેરી રેફ્રિજરેટરમાં 5 દિવસ સુધી રાખી શકાય.
- વધુ સંગ્રહ માટે, કેરી કાપી ડીપ ફ્રિજ કરો.
Mango Storage Tips:ઉનાળાના આગમન સાથે જ બજારમાં કેરી આવવા લાગે છે. મેંગો લવર્સ આ ઋતુની આતુરતાથી રાહ જોતા હોય છે. આ સમય દરમિયાન લગભગ દરેક રસોડામાં કેરીનું મુખ્ય જમણ હોય છે. કેરીની વિવિધ પ્રકારની વાનગીઓ પણ તૈયાર કરવામાં આવે છે અને તેનો આનંદ માણવામાં આવે છે. કેટલાક લોકો મોટી માત્રામાં કેરી ખરીદે છે અને પછી તેને રેફ્રિજરેટરમાં સંગ્રહિત કરે છે, એવું માનીને કે તેને રેફ્રિજરેટરમાં સંગ્રહિત કરવાથી તેની તાજગી જળવાઈ રહેશે. પરંતુ કેરીને ક્યારેય ફ્રિજમાં સ્ટોર ન કરવી જોઇએ. આ તેનો રસ કાઢીને કે કાપીને ડીપ ફ્રિજ કરી શકાય પરંતુ સિઝન ચાલતી ત્યારે ફ્રિજમાં કેરીને સ્ટોર કરવાના મતમાં નિષ્ણાત નથી.
ખાદ્ય નિષ્ણાતો માને છે કે, કેરીને રેફ્રિજરેટરમાં સંગ્રહિત ન કરવી જોઈએ, કારણ કે આનાથી પોષક તત્વો અને સ્વાદ બંનેનું નુકસાન થઈ શકે છે. એક અહેવાલ સૂચવે છે કે કેરીને રેફ્રિજરેટરમાં ન રાખવી શ્રેષ્ઠ છે. ચાલો કેરીને સંગ્રહિત કરવાની શ્રેષ્ઠ રીત શોધીએ.
કેરીને રૂમ ટેમ્પરેચરમાં જ રાખો.
કેરી અને અન્ય પલ્પી ફળોને રૂમ ટેમ્પરેચરના તાપમાને સંગ્રહિત કરવા શ્રેષ્ઠ છે. જો તમે કેરીને રેફ્રિજરેટરની બહાર રૂમ ટેમ્પરેચરમાં સંગ્રહિત કરો છો, તો તેમાં રહેલા એન્ટીઑકિસડન્ટો સક્રિય રહે છે અને ઘણા સ્વાસ્થ્ય લાભો પૂરા પાડે છે. નિષ્ણાતો માને છે કે કેરી સહિત અન્ય ઉષ્ણકટિબંધીય ફળોને રેફ્રિજરેટરમાં ન રાખવા જોઈએ. આ ફળો ઠંડી પ્રત્યે ખૂબ જ સંવેદનશીલ હોય છે. પાકી કેરીને ફ્રિજમાં રાખવાથી પોચી પણ પડી જાય છે.
કેરી કેવી રીતે સંગ્રહિત કરવી?
જો તમે કાચી કેરી પકવવા માંગતા હો, તો તેને ક્યારેય રેફ્રિજરેટરમાં ન રાખો. રેફ્રિજરેટરમાં રાખવાથી તે યોગ્ય રીતે પાકતી નથી અને તેના સ્વાદ પર પણ અસર પડે છે.
કેરી હંમેશા રૂમ ટેમ્પરેચરમા પકવવી જોઈએ. આનાથી તે મીઠી અને નરમ રહેશે.
આ પણ વાંચો:Edible Oil Consumption: એક વર્ષમાં કેટલું તેલ ખાઈ જાય છે ભારતીયો, આંકડા જાણીને વિશ્વાસ નહીં આવે
જ્યારે સંપૂર્ણ પાકી જાય, ત્યારે તમે તેને ખાતા પહેલા થોડી ઠંડી કરવા માટે રેફ્રિજરેટરમાં રાખી શકો છો.વધુમાં, પાકેલી કેરીને રેફ્રિજરેટરમાં 5 દિવસ સુધી સંગ્રહિત કરી શકાય છે.જો તમે કેરીને ઝડપથી પાકવા માંગતા હો, તો તેને ઓરડાના તાપમાને કાગળની થેલીમાં રાખો. આનાથી તે ઝડપથી પાકવામાં મદદ મળશે.
જો તમે વધુ દિવસ માટે સ્ટોર કરવા માંગો છો તો તેને છોલીને, કાપીને એર ટાઇટ ડબ્બામાં ડિપ ફ્રિજ કરી શકો છો. રેફ્રિજરેટરમાં મર્યાદિત જગ્યા હોવાથી આપણે કેરીને અન્ય ફળો અને શાકભાજી સાથે સંગ્રહિત કરીએ છીએ. જે બિલકુલ યોગ્ય નથી. અન્ય ફળો અને શાકભાજી સાથે કેરીનો સંગ્રહ કરવાથી પણ તેના સ્વાદ પર અસર પડી શકે છે.
ટોપ સ્ટોરી
ટ્રેન્ડિંગ સમાચાર
