BJP નેતાઓના દીપાવલીની શુભેચ્છા આપતા બેનરો ઉપર ફેંકાઈ કાળી શાહી, જાણો ક્યાની છે ઘટના

વિસનગર શહેરના કાંસા ચોકડી પાસે આવેલ સોના કોમ્પ્લેક્ષ કોર્નર પર તેમજ એમ.એન. કોલેજ આગળ લાગાવેલ વિસનગર ધારાસભ્ય તેમજ સ્થાનિક કાર્યકર્તાઓના ફોટાવાળા બેનરો પર કોઈ ઈસમ દ્વારા કાળી શાહી છોટવામાં આવી છે. પરંતુ નોંધનીય બાબત એ છે કે ચાલુ સરકારના ધારાસભ્યના જે જગ્યાએ બેનર પર શાહી છાંટવામાં આવી છે તે જગ્યાએ પોલીસનો રાત્રી પોઇન્ટ મુકવામાં આવેલો છે. તેમજ દીપાવલીના ચાલી રહેલ તહેવારને કારણે પોલીસ દ્વારા રાત્રી પેટ્રોલિંગ સઘન કરવામાં આવે છે છતાં આ જાહેર જગ્યાઓ પર બેનરો પર શાહી ફેંકવાની ઘટના બને તો આમ જનતાની સલામતી કેવી રીતે સચવાય તે પ્રશ્ન શહેરમા ચર્ચાઈ રહ્યો છે.

દીપાવલીના પર્વે જનતાને રૂબરૂ મળી શકાય તેમ ન હોય તેવા સંજોગોમાં જાહેર અભિનંદ આપવા માટે વિસનગરમાં ભાજપના નેતાઓ દ્વારા જાહેર માર્ગો પર પોતાના ફોટા લગાવેલ બેનર લગાવ્યા હતા. જોકે આ બેનરો પર કોઈ અજાણ્યા લોકો દ્વારા કાળી શાહી ફેંકીને વિસનગરના રાજકારણમાં વિરોધ દર્શાવવામાં આવ્યો છે. ઉલ્લેખનીય છે કે, હાલ ગુજરાતમાં ચૂંટણીનો માહોલ ગરમ છે અને વિસનગરને વિધાનસભાનું એપી સેન્ટર ગણવામાં આવે છે.

વિસનગરઃ હાલમાં દિવાળીનો તહેવાર ચાલી રહ્યો છે સાથે સાથે ગુજરાતમાં ચૂંટણીનો માહોલ જામ્યો છે ત્યારે રસ્તા પર ઠેર ઠેર નેતાઓ દ્વારા દિવાળીની શુભેચ્છા પાઠવતા બેનરો જોવા મળે છે. વિસનગરમાં પણ ભાજપના નેતાઓ આવા જ બેનર લગાવ્યા હતા જોકે આ બેનર પર કોઈ અજાણ્યા લોકો દ્વારા કાળી શાહી ફેંકવાની ઘટના સામે આવી છે.