Weather Update: હિટવેવથી મળશે રાહત, દેશના આ રાજ્યોમાં હવે પડશે વરસાદ, હવામાન વિભાગે કરી આગાહી

IMDની આગાહી અનુસાર, ચોમાસું 27 જૂન અને 3 જુલાઈની વચ્ચે ઉત્તર પશ્ચિમ ભારતમાં સક્રિય થવાની ધારણા છે અને તે પ્રદેશના મોટાભાગના વિસ્તારોમાં પહોંચશે. IMDએ કહ્યું કે, આગામી સાત દિવસ દરમિયાન વરસાદ પડશે.

મોનસૂનને લઇને IMDનું અપડેટસ ( Image Source :PTI )

Weather Update: શુક્રવારે (22 જૂન) ઉત્તર ભારતના ઘણા રાજ્યોમાં આકરી ગરમીથી રાહત મળી છે. ઘણા રાજ્યોમાં ઝરમર ઝરમર વરસાદ અને તેજ પવનને કારણે હવામાન એકદમ ખુશનુમા બની ગયું છે. અત્યાર સુધી કાળઝાળ ગરમીના કારણે લોકો માટે જીવવું મુશ્કેલ બન્યું હતું. હવે હવામાનમાં આવેલા બદલાવને કારણે ઘણી રાહત થઈ છે. દરમિયાન, ભારતીય હવામાન વિભાગે આગામી 4-5 દિવસ સુધી ભારે વરસાદની ચેતવણી જાહેર  કરી છે. IMD અનુસાર, આગામી 4-5 દિવસ દરમિયાન કેરળ, કર્ણાટક, કોંકણ-ગોવા અને મધ્ય મહારાષ્ટ્રમાં ભારે વરસાદની સંભાવના છે.

 IMDની આગાહી અનુસાર, ચોમાસું 27 જૂન અને 3 જુલાઈની વચ્ચે ઉત્તર પશ્ચિમ ભારતમાં સક્રિય થવાની ધારણા છે અને તે પ્રદેશના મોટાભાગના વિસ્તારોમાં પહોંચશે. IMD અનુસાર, આગામી સાત દિવસ દરમિયાન ઉત્તરાખંડ અને પૂર્વી ઉત્તર પ્રદેશમાં છૂટાછવાયાથી ભારે વરસાદની સંભાવના છે. ઉત્તર પ્રદેશમાં 24-26 જૂન દરમિયાન મહત્તમ તાપમાનમાં વધઘટની શક્યતા છે.

આ રાજ્યોમાં ચોમાસુ દસ્તક આપશે

IMDએ શનિવારે કહ્યું કે આગામી 3-4 દિવસ દરમિયાન ઉત્તર અરબી સમુદ્ર, ગુજરાત, મહારાષ્ટ્રના બાકીના ભાગો, મધ્યપ્રદેશ, છત્તીસગઢ, ઓડિશા, પશ્ચિમ બંગાળના ગંગાના મેદાનો, ઝારખંડ, બિહાર અને કેટલાક ભાગોમાં ભારે વરસાદ પડશે. પૂર્વ ઉત્તર પ્રદેશની સ્થિતિ દક્ષિણ-પશ્ચિમ ચોમાસાના આગળ વધવા માટે અનુકૂળ છે. દિલ્હીમાં ચોમાસાના આગમનની સામાન્ય તારીખ 27મી જૂન છે. ઉત્તર પ્રદેશ, દિલ્હી, હરિયાણા, બિહાર અને પશ્ચિમ બંગાળના ઘણા ભાગો જૂનની શરૂઆતથી જ તીવ્ર ગરમીની ઝપેટમાં છે.

બિહાર અને ઓડિશામાં ભારે વરસાદનું એલર્ટ

હવામાન વિભાગના જણાવ્યા અનુસાર, આગામી 5 દિવસ દરમિયાન ગંગાના પશ્ચિમ બંગાળ, બિહાર, ઝારખંડ, ઓડિશા, આંદામાન અને નિકોબાર ટાપુઓમાં ગાજવીજ, વીજળી અને ભારે પવન સાથે હળવાથી મધ્યમ વરસાદની શક્યતા છે. બિહારમાં 24-26 જૂન દરમિયાન, ઓડિશામાં 22 અને 26 જૂને, ઝારખંડમાં 25 અને 26 જૂને અને આંદામાન અને નિકોબાર ટાપુઓમાં 22-26 જૂન દરમિયાન ભારે વરસાદની શક્યતા છે.

ઉત્તર-પૂર્વમાં વાદળો ગર્જના કરશે

હવામાન વિભાગે કહ્યું કે, આગામી પાંચ દિવસ દરમિયાન ઉપ-હિમાલયના પશ્ચિમ બંગાળ અને સિક્કિમ, આસામ અને મેઘાલયમાં અલગ-અલગ સ્થળોએ ભારે વરસાદની સંભાવના છે. 25 અને 26 જૂને ઉપ-હિમાલયન પશ્ચિમ બંગાળ અને સિક્કિમમાં ખૂબ જ ભારે વરસાદ અને 25 અને 26 જૂને અરુણાચલ પ્રદેશમાં અલગ-અલગ સ્થળોએ ભારે વરસાદની અપેક્ષા છે. આ સિવાય 22-24 જૂન દરમિયાન નાગાલેન્ડ, મણિપુર, મિઝોરમ અને ત્રિપુરામાં વિવિધ સ્થળોએ ભારે વરસાદની સંભાવના છે.

દક્ષિણ ભારતમાં હવામાન કેવું રહેશે?

IMD એ આગામી પાંચ દિવસ દરમિયાન દરિયાકાંઠાના આંધ્રપ્રદેશ અને યાનમ, રાયલસીમા, તેલંગાણા, તમિલનાડુ, પુડુચેરી અને કરાઈકલમાં હળવાથી મધ્યમ વરસાદની આગાહી કરી છે. 22-26 દરમિયાન કોંકણ અને ગોવા, મધ્ય મહારાષ્ટ્રના ઘાટ ક્ષેત્ર, કેરળ અને માહે, તટીય અને દક્ષિણ આંતરિક કર્ણાટક, તમિલનાડુમાં ભારેથી અતિ ભારે વરસાદની શક્યતા છે. 22 અને 23 જૂને લક્ષદ્વીપમાં, 22-24 દરમિયાન ગુજરાતમાં, 23 અને 24 જૂને સૌરાષ્ટ્ર અને કચ્છમાં, 22 અને 23 જૂને મરાઠવાડમાં અને 26 જૂને કોસ્ટલ આંધ્રપ્રદેશમાં વરસાદ પડી શકે