Ahmedabad News: લોકસભા ચૂંટણી પહેલા આમ આદમી પાર્ટીને ઝટકો, મોટી સંખ્યામાં આગેવાનો કોંગ્રેસમાં જોડાયા

Ahmedabad News: લોકસભા ચૂંટણી પહેલા આમ આદમી પાર્ટીને ઝટકો લાગ્યો છે. આજે આપના કેટલાક આગેવાનો કોંગ્રેસમાં જોડાયા છે.

આપના કાર્યકરો કોંગ્રેસમાં જોડાયા

Ahmedabad News: લોકસભા ચૂંટણી પહેલા આમ આદમી પાર્ટીને ઝટકો લાગ્યો છે. આજે આપના કેટલાક આગેવાનો કોંગ્રેસમાં જોડાયા છે. કોંગ્રેસમાં જોડાયેલા પદાધિકારીઓ – હોદ્દેદારોને આવકારતા રાજ્યસભાના સાંસદ અને ગુજરાત પ્રદેશ કોંગ્રેસ સમિતિના પ્રમુખ શક્તિસિંહ ગોહિલે જણાવ્યું હતું કે, ગુજરાતનો જનતાની સેવા અને પ્રજાહિતના કાર્યમાં કોંગ્રેસ પક્ષ હંમેશા કાર્યશીલ છે ત્યારે દુધમાં સાકર ભળે અને મીઠાસ વધે તેમ સૌ પદાધિકારી-હોદ્દેદારોના કોંગ્રેસ પક્ષમાં આવવાથી પ્રજા સેવાને વેગ મળશે. ભાજપના ભ્રષ્ટાચાર, પેપર ફુટવા, પુલ તુટવા, મોંઘવારી અને કથળતીકાયદો વ્યવસ્થાનો ભોગ ગુજરાતનો નાગરિક બની રહ્યો છે. 

આમ આદમી પાર્ટીના પ્રદેશ મંત્રી શ્રી હરેશભાઈ કોઠારી સહિત આમ આદમી પાર્ટીના અનેક હોદ્દેદારો અને કાર્યકરો કોંગ્રેસ પાર્ટીમાં જોડાયા. આમ આદમી પાર્ટી છોડીને કોંગ્રેસ પરિવારમાં જોડાનાર તમામ પદાધિકારીઓનું હાર્દિક સ્વાગત છે. pic.twitter.com/WmSwlIy0Nd

— Shaktisinh Gohil MP (@shaktisinhgohil) July 13, 2023

મોંઘુ શિક્ષણ, મોંઘી આરોગ્ય વ્યવસ્થાને લીધે સામાન્ય-મધ્યમવર્ગ હાલાકી ભોગવી રહ્યો છે, જી.એસ.ટી.નું અણઘડ અમલીકરણ, ટેક્ષનો બોજો અને ટેક્ષ ટેરેરીઝમને કારણે ગુજરાતના નાના ઉદ્યોગકાર-વેપારીઓના ધંધા-રોજગાર પર માઠી અસર થઈ છે ત્યારે ગુજરાતીઓના પ્રાણ પ્રશ્નો માટે તેમની સાથે ખભેથી ખભો મિલાવી ગુજરાતના હિતમાં કોંગ્રેસ પક્ષ સતત અવાજ ઉઠાવતો રહેશે.

શક્તિસિંહે વધુમાં કહ્યું કે, કોંગ્રેસની વિચારધારાએ દેશની આઝાદી માટે લડત લડી છે ત્યારે કોંગ્રેસ પરિવારમાં આમ આદમી પાર્ટીના પ્રદેશ મંત્રી હરેશ કોઠારી, પૂર્વ પ્રમુખ ઉત્તર-પશ્ચિમ ઝોન અમદાવાદ રાજેશકુમાર પ્રજાપતિ, મધ્યઝોન અમદાવાદ શહેર અધ્યક્ષ જાહિદ એચ. શેખ, મહિલા પ્રદેશ મંત્રી રમીલાબેન ડાભી, અમદાવાદ શહેર મંત્રી રેખા મેવાણી, પ્રદેશ મહિલા મંત્રી શ્રધ્ધાબેન પટેલ, મનિષાબેન પટેલ, કમળાબેન પટણી, અમદાવાદ શહેર પૂર્વમંત્રી દિનેશ ટાંક, પૂર્વ મહામંત્રી અશોક ગોહિલ, અમદાવાદ શહેર ઓ.બી.સી. પ્રમુખ ઉમેશ પ્રજાપતિ, ગુજરાત સ્ટેટ સોશીયલ મીડીયા ઈન્ચાર્જ હેમાંગ વ્યાસ, ઘાટલોડીયા વોર્ડ પ્રમુખ હસમુખ પટેલ, વટવા વોર્ડ સંગઠનમંત્રી ધર્મેન્દ્ર રાજપુત, સંગઠન મંત્રી પૂર્વઝોન ભરતભાઈ ભૂત, ખાડીયા કોર્પોરેશન ઉમેદવાર અને મધ્યઝોન સેક્રેટરી શેખ અયાજ અહમદ, જમાલપુર વોર્ડ મંત્રી પ્રતિક ઠક્કર, ઘાટલોડીયા વોર્ડ હસમુખ પટેલ, અમિત ઓઝા, હેમંત પટેલ, પ્રવીણ ડાભી, રાજેશ પંચાલ, જૈમીન પ્રજાપતી, નીતાબેન ગોસ્વામી, ગળતેશ્વર તાલુકા સંગઠન મંત્રી મલીક મુસ્તાક અહેમદ, સહિત મોટી સંખ્યામાં પ્રદેશના હોદ્દેદારો તથા કાર્યકરો કોંગ્રેસ પક્ષમાં વીધીવત રીતે જોડાયા છે તેઓને આવકારું છું.

તેમણે કહ્યું કે, લોકસભા ૨૦૨૪ની ચૂંટણીમાં જ્યારે થોડો સમય બાકી છે ત્યારે અમદાવાદ સહિતના વિસ્તારમાંથી ૧૦૦ થી વધુ કાર્યકર્તા જોડાતા કોંગ્રેસ પક્ષની તાકાતમાં ઉમેરો થશે. ભાજપ સરકારની નીતિ સંગ્રહખોરો-કાળાબજારીયાઓને આશીર્વાદ આપવાની હોવાથી જીવન જરૂરીયાત ચીજવસ્તુઓની કિંમતો સતત વધી રહી છે. કોંગ્રેસ શાસનમાં ૨૦૧૪માં ૪૧૪ રૂપિયાનો ગેસ સીલેન્ડર મળતો હતો જે આજે ભાજપ સરકારના શાસનમાં ૧૨૦૦ રૂપિયાને પાર કરી ગયો છે. ગુજરાતમાં શિક્ષણ અને આરોગ્ય સેવા સતત કથળી રહ્યાં છે. ગુજરાત માટે સેવાના સાધનાના યજ્ઞમાં મોટી સંખ્યામાં જોડાયેલા આગેવાન-કાર્યકર્તાશ્રીઓનું સૌનું સ્વાગત છે. આગામી સમયમાં કોંગ્રેસ પક્ષની વિચારધારા વધુમાં વધુ લોકો સુધી પહોંચાડવા સૌ માધ્યમ બનશો.

Join Our Official Telegram Channel: https://t.me/abpasmitaofficial