Ahmedabad : અજાણી યુવતીની વિકૃત હાલતમાં લાશ મળી આવતાં ખળભળાટ

ઝાડીઓમાંથી અજાણી યુવતીની કોહવાયેલી અને કરડેલી હાલતમાં લાશ મળી આવતા ચકચાર મચી ગઈ છે. શરીર કેટલોક ભાગ  ન હોવાથી અનેક તર્કવિતર્કો સર્જાયા છે. 

પ્રતિકાત્મક તસવીર.

અમદાવાદઃ શહેરના વસ્ત્રાલ રિંગ રોડ પર અવાવરું જગ્યાએથી યુવતીની વિકૃત હાલતમાં લાશ મળી આવતાં ખળભળાટ મચી ગયો છે. ઝાડીઓમાંથી અજાણી યુવતીની કોહવાયેલી અને કરડેલી હાલતમાં લાશ મળી આવતા ચકચાર મચી ગઈ છે. શરીર કેટલોક ભાગ  ન હોવાથી અનેક તર્કવિતર્કો સર્જાયા છે. 

રામોલ પોલીસે પંચનામું કરી લાશને પીએમ માટે મોકલી અજાણી યુવતીની ઓળખ માટે તપાસ હાથ ધરી છે. રિંગરોડ પર વસ્ત્રાલ તળાવ અને સ્મશાનગૃહની સામેની ઝાડીમાંથી અજાણી યુવતીની લાશ અંગે જાણ થતાં રામોલ પોલીસનો કાફલો ઘટનાસ્થળે પહોંચી ગયો હતો. લાશને જોતા કૂતરાઓએ કમરનો ઉપરનો ભાગ કરડી ખાધો છે. હાલમાં અજાણી યુવતીની ઓળખ થઈ થઈ શકી નથી. 

Ahmedabad : દીકરાની સંભાળ માટે રજની પટેલે નાસિકની યુવતી સાથે કર્યા લગ્ન, પિતાનું નિધન થયું ને પછી.....

અમદાવાદઃ રૂપિયાની લાલચ વ્યક્તિને કોઈ પણ હદે લઈ જઈ શકે આવા કિસ્સાઓ ફિલ્મોમાં જરૂર જોયા હશે.  પરંતુ હાલના સમયે રૂપિયાની લાલચે સબંધોનું ખૂન કરતા સહેજ પણ અચકાતા નથી. આવો જ એક બનાવ અમદાવાદના કણભા પોલીસ સ્ટેશનમાં બન્યાનું સામે આવ્યું છે, જેમાં સાવકી માતાએ રૂપિયાની લેતીદેતીમાં પુત્રનો ઠપકો સાંભળી નહિ શકતા હત્યાનો પ્લાન ઘડી નાખ્યો. સાવકી માતાએ તેમના મિત્રો સાથે મળીને પુત્રની હત્યા કરીને મૃતદેહને અવાવરૂ જગ્યા પર ફેંકી દીધો. હાલ તો કણભા પોલીસે આરોપી મહિલાની ધરપકડ કરતા અનેક ખુલાસાઓ સામે આવ્યા છે.  

 

કણભા પોલીસ સ્ટેશનના વિસ્તારમાં આવેલ ગામમાં રહેતો હાર્દિક રજનીભાઇ પટેલ નામનો 23 વર્ષીય યુવક ગુમ થયો હોવાની જાણ પોલીસને કરવામાં આવી હતી. જો કે. પોલીસે તપાસ શરૂ કરતાં તેની સાવકી માતા શંકા ના ઘેર આવી હતી. જેથી પોલીસ એ તેની ઉલટ તપાસ કરી હતી. જેમાં જાણવા મળ્યું હતું કે તેણે જ અન્ય ત્રણ ઈસમો સાથે મળીને હાર્દિક ની હત્યા કરી દીધી છે. મૃતદેહનો નિકાલ કરી નાખ્યો હતો. જેમા ગઇકાલે નજીકના વિસ્તારમાંથી કોથળામાંથી લાશ વિકૃત હાલતમાં લાશ મળી આવી હતી. આ હત્યા કેસનો ભેદ ગણતરીના કલાકોમાં ખુલી ગયો છે. હત્યા કરનાર સાવકી માતા ગૌરીબેન પટેલની ધરપકડ કરી દીધી છે. ગૌરીબેને નાસીકથી તેમના ત્રણ મિત્રોને બોલાવ્યા હતા અને હાર્દિકની હત્યા કરીને તેને એક કોથળામાં પેક કરીને અવાવારૂ જગ્યા પર ફેંકી દીધી હતી. 

 

આરોપી મહિલાની પુછપરછ દરમ્યાન સામે આવ્યું કે હાર્દિકના પિતાએ હાર્દિક સચવાય તે માટે બીજા લગ્ન કર્યા હતા. પિતા રજનીભાઇ પટેલ તેમના બે સંતાનોને સાચવવા માટે તેમને સાત વર્ષ પહેલા નાસીકમાં રહેતી ગૌરીબેન નામની મહિલા સાથે ફુલહાર કરીને લગ્ન કરી દીધા હતા. લગ્ન બાદ ગૌરીબેન રજનીભાઇ અને બે પુત્ર હળીમળીને રહેતા હતા, પરંતુ થોડાક સમય પહેલા રજનીભાઇનું પણ મૃત્યુ થઇ ગયુ હતું અને ત્યારબાદ માતા અને બે પુત્ર સાથે રહેતા હતા.
 
જોકે, મહિલાએ સંબધીઓ પાસેથી 25 થી 30 લાખ રૂપિયા સંબધીઓ પાસેથી રૂપિયા ઉધરાવવાનું શરૂ કર્યુ હતું. ગૌરીબેને હાર્દિકને રૂપિયા જોઇએ છે તેમ કહીને સંબધીઓ પાસેથી રૂપિયા ઉઘરાવ્યા હતા. હાર્કિદને આ વાતની જાણ થતા તેમને ગૌરીબેનને ઠપકો આપ્યો હતો અને મારા નામ પર રૂપિયા નહી ઉઘરાવવાનું કહ્યુ હતું. 

 

રૂપિયા માટે થયેલી બબાલમાં ગૌરીબેનએ હાર્દિક હત્યાનો પ્લાન બનાવ્યો અને નાસીકમાં રહેતા તેમના મિત્રોને ફોન કરીને સમગ્ર હકીકત કહી અને હત્યા કરવાનો પ્લાન બનાવ્યો હતો. નાસીકથી ત્રણ શખ્સો કણભા આવ્યા હતા. જ્યાં તેમને હાર્કિદને બપોરે ગળે ટુંપો દઇને મોતને ઘાટ ઉતારી દીધો અને બાદમાં તેની પગને દોરાથી બાંધી દીધા હતા અને લાશને કોથળામાં પેક કરીને ચાર કલાક સુધી તેની પાસે બેસી રહ્યા હતા.