Ahmedabad: આશ્રમ રોડથી મહાનગરપાલિકા કચેરી સુધી કાર રેલી કાઢી તબીબોએ વિરોધ નોંધાવ્યો, જાણો કેમ

અમદાવાદના આશ્રમ રોડથી મહાનગરપાલિકાની મુખ્ય કચેરી સુધી કાર રેલી કાઢી તબીબોએ વિરોધ નોંધાવ્યો હતો.  તબીબોનો વિરોધ  ફોર્મ Cના મુદ્દે છે.

તબીબોએ વિરોધ નોંધાવ્યો

અમદાવાદ: અમદાવાદના આશ્રમ રોડથી મહાનગરપાલિકાની મુખ્ય કચેરી સુધી કાર રેલી કાઢી તબીબોએ વિરોધ નોંધાવ્યો હતો.  તબીબોનો વિરોધ  ફોર્મ Cના મુદ્દે છે.  અમદાવાદ શહેરમાં આવેલી અઢી હજાર હોસ્પિટલો પૈકી 1200 હોસ્પિટલ 40 વર્ષથી વધુ જૂની છે.  પરિણામે BU પરવાનગીના અભાવે અનેક હોસ્પિટલોને તાળા લાગે તેવી સ્થિતિ સર્જાઈ છે. 

ભૂતકાળમાં રજાચિઠ્ઠીનો કાયદો અમલમાં હોવાના કારણે સમયાંતરે તેમાં ફેરફાર કરાયા હતા. પરંતુ તબીબો દ્વારા બાંધકામ પરવાનગી અંગે ફેરફાર ન કરાતા હોસ્પિટલો સીલ થવાની સ્થિતિ વચ્ચે તબીબોએ વિરોધ નોંધાવ્યો છે.  અમદાવાદ હોસ્પિટલ્સ એન્ડ નર્સિંગ હોમ્સ એસોસિયેશનનો સવાલ છે કે, અન્ય ધંધાર્થી એકમો સામે કાર્યવાહી કરવામાં આવી નથી.  હોસ્પિટલો સામે જ કેમ કાર્યવાહી  કરવામાં આવી રહી છે.  તબીબોની માગ છે કે, સરકાર BU પરમિશનના કાયદામાં બદલાવ લાવે. 

Ahmedabad : રાજ્યના ઈતિહાસના સૌથી મોટા ક્રિકેટ સટ્ટાનો અમદાવાદ ક્રાઈમ બ્રાંચે કર્યો પર્દાફાશ, રાજકોટના રાકેશ રાજદેવ સામે લૂકઆઉટ નોટિસ

અમદાવાદઃ ગુજરાતના ઇતિહાસનો સૌથી મોટા ક્રિકેટ સટ્ટાનો પર્દાફાશ અમદાવાદ ક્રાઈમ બ્રાન્ચે કર્યો હતો. અમદાવાદ ક્રાઇમ બ્રાન્ચે 1400 કરોડના સટ્ટા રેકેટનો પર્દાફાશ કર્યો હતો. રાજકોટ અને ઉંઝા સર્કિટના બે સટોડિયાઓને પોલીસે ખુલાસો કર્યો હતો. ઉંઝાનો ટોમી પટેલ અને રાજકોટનો રાકેશ રાજદેવ પોલીસના રડાર પર છે. રાકેશ રાજદેવ સહિત બે સામે લૂક આઉટ નોટિસ જાહેર કરવામાં આવી છે. દુબઇમાં ડમી બેન્ક એકાઉન્ટની પણ પોલીસને વિગતો મળી હતી.

મોબાઇલ પર ખાસ એપ્લિકેશન બનાવી મેચના ભાવ જાહેર કરાય છે. મેચની હાર-જીત અને સેશનના સ્કોર પર સટ્ટો લગાવતો હતો. સટ્ટાકાંડમાં એક વ્યક્તિની પોલીસે ધરપકડ કરી હતી. એક-એક મેચ પર 100થી 500 કરોડના સોદા થતા હતા. બંન્ને સટોડિયા દુબઇના આકાની મારફતે ભાવ બહાર પાડતા હતા. સટ્ટાના હિસાબો ટ્રાન્સફર થતા હોવાનો પણ ખુલાસો થયો છે.ક્રિકેટના મેદાનમાંથી જ બોલતી બોબડી લાઇનથી સટ્ટો રમાતો હતો.

ટી-20, વન-ડે અને લીગ મેચ પર સટ્ટો લગાવવામાં આવતો હતો. કેટલાક અધિકારી સાથે પણ લેવડ-દેવડ થયાની આશંકા પણ છે. રાજકીય નેતાઓ સાથે પણ રાકેશ રાજદેવ સંબંધ ધરાવતો હોવાની આશંકા છે. ગુજરાતના બુકીઓ જાતે જ સોદા બુક કરતા હોવાનો પણ ખુલાસો થયો હતો. સટ્ટાકાંડની રકમ સાત હજાર કરોડ રૂપિયા સુધી પહોંચે તેવી સંભાવના છે.

રાકેશ રાજદેવ વિરુદ્ધ પણ લુકઆઉટ નોટિસ જાહેર કરાઇ છે. હોંગકોંગ અને નેધરલેન્ડની સ્થાનિક મેચો પર પણ સટ્ટો રમાડાતો હતો. રાકેશ રાજદેવ દુબઇમાં સામ્રાજ્ય જમાવી બેઠો છે.