Namaste Trump : ભારત-અમેરિકાના સંબંધોમાં નવો અધ્યાય શરૂ : મોદી

Background

અમદાવાદઃ દુનિયાના સૌથી શક્તિશાળી દેશ અમેરિકાના રાષ્ટ્રપતિ ડોનાલ્ડ ટ્રમ્પ આજથી બે દિવસ સુધી ભારતના પ્રવાસે છે, અહીં પીએમ મોદી સાથે મુલાકાત, રૉડ શૉ, મોટેરા સ્ટેડિયમનુ ઉદઘાટન અને તાજમહેલનો દીદાર સહિતના કાર્યક્રમમાં હાજરી આપશે

14:39 PM (IST)  •  24 Feb 2020

મોદીએ તેમના પ્રવચનમાં કહ્યું હતું કે, આજે મોટેરા સ્ટેડિયમમાં નવો ઇતિહાસ રચાઈ રહ્યો છે અને વાસ્તવમાં આજે આપણે ઇતિહાસનું પુનરાવર્તન જોઈ રહ્યા છીએ. પાંચ મહિના પહેલાં મેં અમેરિકા યાત્રાની શરૂઆત હ્યુસ્ટનના હાઉડી મોદી કાર્યક્રમથી કરી હતી. આજે મારા મિત્ર પ્રેસિડેન્ટ ડોનાલ્ડ ટ્રમ્પ તેમની ભારત યાત્રાની શરૂઆત 'નમસ્તે ટ્રમ્પ'થી કરી રહ્યા છે. પ્રેસિડેન્ટ ટ્રમ્પ અને તેમનો પરિવાર આટલી લાંબી મુસાફરી પછી પણ સીધો સાબરમતી આશ્રમ આવ્યો એ માટે હું તેમનો આભારી છું.

14:34 PM (IST)  •  24 Feb 2020

વડાપ્રધાન નરેન્દ્ર મોદીએ તેમના પ્રવચનમાં કહ્યું કે, ટ્રમ્પની મુલાકાતથી ભારત અમેરિકાનાં સંબંધોનો નવો અધ્યાય લખાશે. પ્રથમ લેડી મેલેનિયા તમે બાળકોના ઉત્થાન માટે જે કામ કરી રહ્યા છો તેનાથી સમાજમાં ઘણું પરિવર્તન કરી રહ્યા છે. ઇવાન્કા તમે ભારત આવ્યા ત્યારે કહ્યું હતું કે 'હું ફરીથી ભારત આવવા માંગું છું. પરંતુ આજે તમે ફરીથી પરત આવ્યા છો ત્યારે તમારૂં સ્વાગત છું.'