Bhavnagar: ઉત્તર પ્રદેશથી નોકરીના બહાને 200થી વધુ લોકોને ગુજરાતમાં લાવી ભિક્ષા મંગાવવામાં આવતી હોવાનો દાવો થતા ખળભળાટ

ભાવનગર: ઉત્તર પ્રદેશથી અમુક લોકોને ગુજરાતમાં લાવીને ભિક્ષા મંગાવવામાં આવતી હોવાનો દાવો કરવામાં આવતા ખળભળાટ મચી ગયો છે. આ દાવો તળાજા એસટી ડેપો ખાતેથી એક ભિક્ષુકે કર્યો છે.

પ્રતિકાત્મક તસવીર

ભાવનગર: ઉત્તર પ્રદેશથી અમુક લોકોને ગુજરાતમાં લાવીને ભિક્ષા મંગાવવામાં આવતી હોવાનો દાવો કરવામાં આવતા ખળભળાટ મચી ગયો છે. આ દાવો તળાજા એસટી ડેપો ખાતેથી એક ભિક્ષુકે કર્યો છે.ભાવનગર જિલ્લાના તળાજા એસ.ટી ડેપો નજીક એક ભિક્ષુકે આજે સૌથી મોટો ખુલાસો કર્યો હતો અને જણાવ્યું હતું કે પોતાને નોકરી આપવાની લાલચ આપી અને લાવવામાં આવ્યો હતો અને ત્યારબાદ બળજબરી પૂર્વક ભિક્ષા મંગાવવામાં આવતી હોવાનું જણાવ્યું હતું.

આ સાથે તેઓએ દાવા સાથે  જણાવ્યું હતું કે ગુજરાતમાં 200થી 300 વ્યક્તિઓને લાવવામાં આવ્યા છે અને તમામ વ્યક્તિઓને જુદા જુદા સ્થળોએ ભિક્ષા મંગાવવા માટે ઉતારવામાં આવ્યા છે. આ વ્યક્તિએ પ્રતિક્રિયા આપી અને ભિક્ષાવૃત્તિના ચુંગાલમાંથી છોડાવવા પોલીસ સમક્ષ મદદ માગી છે. તેઓએ જણાવ્યું હતું કે ભાવનગરમાં નારી ચોકડી નજીક 30 જેટલા વ્યક્તિઓને મૂકવામાં આવ્યા છે અને બળજબરીપૂર્વક ભિક્ષા મંગાવવામાં આવતી હોવાનું જણાવ્યું હતું. જોકે આ બાબતે પોલીસ તપાસ કરે તો સત્ય અને ખરી હકીકત બહાર આવે તેમ છે.

વિધાનસભા ગૃહમાં ગૃહ રાજ્ય મંત્રી હર્ષ સંઘવી દ્વારા મહત્વપૂર્ણ જાહેરાતો કરવામાં આવી હતી. જે મુજબ મહિલા સલામતિ અંગે રાજ્ય સરકાર કટીબદ્ધ છે. મહિલાઓ વિરૂદ્ધના ક્રાઈમ રેટમાં ગુજરાતનું સ્થાન ૩૩માં સ્થાને છે. ગુજરાત પોલીસ દ્વારા છેલ્લા બે વર્ષમાં મહિલા સુરક્ષાના વિષયમાં ગંભીરતા પૂર્વક કામગીરી કરીને મહિલા વિરુધ્ધના ગુનાઓને નિયંત્રિત કરવામાં ખૂબ સફળતા મેળવી છે, આશરે ૨૯ કેસોમાં ખુબ ઓછા સમયમાં આજીવન કેદ અને ફાંસીની સજા આપવામાં આવી છે. ડ્રગ્સ સામેનું અભિયાન આજથી જંગ તરીકે લડાશે. ડ્રગ્સની દરીયાઇ સરહદો પરની દુશ્મન દેશ સાથેની લડાઇ હવે ગલી ગલી સુધી પહોંચશે. સીઆઇડી ક્રાઇમમાં રાજયમાં પ્રથમ વાર પોલીસ અધીક્ષક કક્ષાના અધિકારી સેલના વડપણ હેઠળ એનડીપીએસ સેલની રચના થશે.

• રાજ્યના કોઇ પણ ખૂણે કોઇ પણ ઘટના બને તો શહેરી વિસ્તારમાં ૧૦ મીનીટમાં અને ગ્રામ્ય વિસ્તારમાં ૩૦ મીનીટના રીસ્પોન્સ ટાઇમ હાંસલ કરવા ગૃહ રાજ્ય મંત્રીએ યોજના જાહેર કરી છે, આ માટે ૧૧૦૦ નવા વાહનો અને નવા પોલીસ સ્ટાફની ફાળવણી આખા રાજ્યને ડાયલ ૧૧૨માં સમાવેશ કરવાની જાહેરાત કરવામાં આવી છે.
• શોધ યોજનાના માધ્યમથી રાજ્યના તમામ પોલીસ સબ ઇન્સપેકટર કક્ષાના પોલીસ સ્ટેશનોને પોલીસ ઇન્સ્પેકટર કક્ષામાં ત્રણ તબક્કામાં અપગ્રેડ કરાશે, પોલીસ સ્ટેશન દીઠ આઇ.ટી. એક્ષ્પર્ટની જગ્યા ઉભી કરાશે.
• ગ્રામ સુરક્ષા કવચ યોજના અંતર્ગત ૨૦૦ આઉટપોસ્ટને હેડ કોન્સ્ટેબલ / એએસઆઇ કક્ષાથી પોલીસ સબ ઇન્સપેકટર કક્ષામાં અપગ્રેડ તેમજ એક પોલીસ કોન્સ્ટેબલ અને એક મોટર સાયકલની ફાળવણી કરવામાં આવશે.
• ત્રિશુળ યોજના અંતર્ગત રાજ્યના તમામ જિલ્લામાં સાયબર ક્રાઇમને પહોંચી વળવા માટે અતિ આધુનિક રાજ્ય સ્તરીય સાયબર યુનીટ બનાવવામાં આવશે.
• સુગમ યોજના હેઠળ રાજ્યના મહાનગરોમાં મોબીલીટી અને સલામતી માળખાને મજબુત બનાવવા ૧,૦૦૦ ટ્રાફીક પોલીસની નવી જગ્યાઓ અને આધુનિક તકનીકી સાધનો ઉપલબ્ધ કરાવવામાં આવશે.
• કોમી તોફાનો અને હિંસાત્મક બનાવો તરફની ઝીરો ટૉલરન્સ નીતિના ભાગરૂપે એસઆરપીએફ જુથ-૨, અમદાવાદની કંપનીને સ્પેશ્યલ એકશન ફોર્સ તરીકે વિકસાવવામાં આવશે.