આજે શેરબજાર બંધ રહેશે, NSE-BSE સહિત આ એક્સચેન્જો પર ટ્રેડિંગ નહીં થાય
Stock market holiday: ભારતીય શેરબજારો ગુરુવારે બંધ રહેશે. બકરી ઈદના કારણે મૂડીબજારની સાથોસાથ નાણા બજારમાં પણ રજા રહેશે.
Stock market holiday: ભારતીય શેરબજારો ગુરુવારે બંધ રહેશે. બકરી ઈદના કારણે મૂડીબજારની સાથોસાથ નાણા બજારમાં પણ રજા રહેશે. આ હેઠળ, BSE અને NSE પર ઇક્વિટી ડેરિવેટિવ્ઝ સહિત કરન્સી ડેરિવેટિવ્ઝમાં કોઈ ટ્રેડિંગ થશે નહીં. આ સાથે ફોરેક્સ માર્કેટ પણ બંધ રહેશે. હવે આવતીકાલે એટલે કે 30મી જૂને તમામ બજારો ખુલશે.
ઈક્વિટી માર્કેટની સાથે સાથે કરન્સી અને કોમોડિટી માર્કેટમાં પણ રજા છે. કરન્સી માર્કેટમાં ટ્રેડિંગ 30 જૂને થશે. તે જ સમયે, સવારનું સત્ર MCX પર ટ્રેડિંગ માટે બંધ રહેશે. પરંતુ સાંજથી વેપાર શરૂ થશે. આ અંતર્ગત કોમોડિટી માર્કેટ સાંજે 5 વાગ્યાથી ખુલશે, જે 11:30/11:55 વાગ્યા સુધી ખુલ્લું રહેશે.
એક્સચેન્જોએ અગાઉ બુધવારે એટલે કે 28 જૂને રજા જાહેર કરી હતી જ્યારે બકરીદ 29 જૂને છે. તેથી છેલ્લી ઘડીએ રજાની તારીખ બદલીને 29મી જૂન કરવામાં આવી હતી. જેના કારણે બુધવારે માસિક એક્સપાયરી હતી. બજારમાં આગામી જાહેર રજા ઓગસ્ટમાં રહેશે.
ગઈકાલે બજાર રેકોર્ડ તેજી સાથે બંધ રહ્યું
બજારમાં ગઈકાલે જૂન એક્સપાયરી પર રેકોર્ડની હેટ્રિક જોવા મળી છે. આજે સેન્સેક્સ, નિફ્ટી, નિફ્ટી બેન્ક ત્રણેય નવી સપાટીએ પહોંચ્યા છે. સેન્સેક્સ, નિફ્ટી પણ રેકોર્ડ હાઈ પર બંધ થયા છે. આજના કારોબારમાં મેટલ, ફાર્મા, ઈન્ફ્રા અને એનર્જી શેરોમાં જોરદાર તેજી જોવા મળી છે. PSE, ઓટો અને બેન્કિંગ શેરોમાં પણ ખરીદારી જોવા મળી રહી છે. મિડકેપ અને સ્મોલકેપ ઇન્ડેક્સ પણ વધારા સાથે બંધ થયા છે.
શેરબજાર માટે બુધવારનું ટ્રેડિંગ સત્ર ઐતિહાસિક સાબિત થયું છે. વિક્રમી ઊંચાઈને સ્પર્શ્યા બાદ બજારના બંને મુખ્ય સૂચકાંકો નવા ઐતિહાસિક સ્તરે આજના કારોબારના અંતે બંધ થયા છે. દિવસના ટ્રેડિંગ દરમિયાન, BSE સેન્સેક્સ 64,000 ને પાર કરવામાં સફળ રહ્યો અને નેશનલ સ્ટોક એક્સચેન્જનો નિફ્ટી પ્રથમ વખત 19,000 ની સપાટીને પાર કરી ગયો. આજના કારોબારના અંતે BSE સેન્સેક્સ 500 પોઈન્ટના ઉછાળા સાથે 63,915 અને નિફ્ટી 50 155 પોઈન્ટના ઉછાળા સાથે 18,972 પોઈન્ટની સપાટીએ બંધ રહ્યો હતો.
ગઈકાલના કારોબારમાં બેન્કિંગ, ઓટો, આઈટી, ફાર્મા, એફએમસીજી, મેટલ્સ, એનર્જી, ઈન્ફ્રા, કોમોડિટી, કન્ઝ્યુમર ડ્યુરેબલ્સ, હેલ્થકેર અને ઓઈલ એન્ડ ગેસ સેક્ટરના શેર તેજી સાથે બંધ થયા હતા. જ્યારે મીડિયા સેક્ટરના સ્ટોકમાં ઘટાડો જોવા મળ્યો છે. મિડ કેપ અને સ્મોલ કેપ ઈન્ડેક્સમાં જોરદાર તેજી જોવા મળી છે. નિફ્ટી મિડ કેપ 224 અથવા 0.63 ટકાના વધારા સાથે 35,520 પોઈન્ટ પર બંધ રહ્યો હતો. સેન્સેક્સના 30 શેરોમાંથી 24 શેરો ઉછાળા સાથે જ્યારે 6 ઘટાડા સાથે બંધ થયા હતા. નિફ્ટીના 50 શેરોમાંથી 42 વધીને અને 8 ઘટીને બંધ રહ્યા હતા.
Join Us on Telegram: https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
