BSNLનો 336 દિવસનો શાનદાર પ્લાન, માત્ર આટલા રુપિયામાં મળશે ઘણા બધા ફાયદા  

પ્રાઈવેટ કંપનીઓના રિચાર્જ પ્લાન મોંઘા થતા દર મહિને મોબાઈલ રિચાર્જ કરવું ખૂબ જ મુશ્કેલ બની રહ્યું છે. મોંઘા રિચાર્જ પ્લાનથી છૂટકારો મેળવવા માટે યુઝર્સ સસ્તા અને લાંબી વેલિડિટી પ્લાન શોધી રહ્યા છે.

પ્રતિકાત્મક તસવીર

Source : તસવીર સોશિયલ મીડિયા

Bsnl cheapest plan:  પ્રાઈવેટ કંપનીઓના રિચાર્જ પ્લાન મોંઘા થતા દર મહિને મોબાઈલ રિચાર્જ કરવું ખૂબ જ મુશ્કેલ બની રહ્યું છે. મોંઘા રિચાર્જ પ્લાનથી છૂટકારો મેળવવા માટે યુઝર્સ સસ્તા અને લાંબી વેલિડિટી પ્લાન શોધી રહ્યા છે. આ દરમિયાન સરકારી ટેલિકોમ કંપની પોતાના ગ્રાહકો માટે મોટી રાહત લઈને આવી છે. BSNL એ તાજેતરમાં ગ્રાહકો માટે યાદીમાં લાંબી વેલિડિટી સાથે સારા પ્લાન ઉમેર્યા છે.

નોંધનીય છે કે Jio, Airtel અને Viએ જુલાઈ મહિનામાં તેમના રિચાર્જ પ્લાનની કિંમતોમાં વધારો કર્યો હતો. પરંતુ, હાલમાં BSNL જૂના ભાવે જ પ્લાન ઓફર કરી રહી છે. આ સાથે, ગ્રાહકોની સમસ્યાઓને ઓછી કરવા માટે BSNL હવે ઓછા ભાવે ટૂંકા ગાળાના પ્લાન અને લોંગ વેલિડિટી પ્લાન લઈને આવ્યું છે. જો તમે પણ સસ્તા પ્લાન શોધી રહ્યા છો, તો અમે તમને BSNLના સૌથી લોકપ્રિય પ્લાન જણાવવા જઈ રહ્યા છીએ.

લાંબી વેલિડિટી સાથે BSNLનો સસ્તો પ્લાન

તમને જણાવી દઈએ કે સરકારી ટેલિકોમ કંપની BSNL પાસે 100 રૂપિયાથી લઈને 3000 રૂપિયા અને તેનાથી વધુના પ્લાન છે. BSNL યુઝર્સ માટે 336 દિવસનો શાનદાર પ્લાન પણ ઓફર કરે છે. આ પ્લાન સાથે તમે એક જ વારમાં લગભગ 11 મહિના માટે રિચાર્જની ઝંઝટમાંથી મુક્ત થશો અને મોંઘા રિચાર્જથી પણ છૂટકારો મેળવો છો.

BSNL તેના 9 કરોડથી વધુ ગ્રાહકોને માત્ર 1499 રૂપિયામાં 336 દિવસની વેલિડિટી ઓફર કરી રહી છે. આ કિંમત શ્રેણીમાં આટલી લાંબી વેલિડિટી ધરાવતો રિચાર્જ પ્લાન અન્ય કોઈ કંપની પાસે નથી. 1500 રૂપિયાથી ઓછી કિંમતમાં તમે 336 દિવસ માટે ગમે તેટલી વાત કરી શકો છો.

ફ્રી કોલિંગ સાથે ડેટાનો લાભ

આ પ્લાનના અન્ય ફાયદાઓ વિશે વાત કરીએ તો BSNL તેના ગ્રાહકોને કુલ 24GB ડેટા ઓફર કરે છે. મતલબ કે જો તમે વધુ ડેટાનો ઉપયોગ કરો છો તો આ પ્લાન તમને થોડો નિરાશ કરી શકે છે. આ સિવાય તમને ફ્રી કોલિંગની સાથે દરરોજ 100 ફ્રી SMS પણ આપવામાં આવે છે.

જો તમને વધુ ઈન્ટરનેટ ડેટાની જરૂર હોય તો તમે કંપનીના 1999 રૂપિયાના પ્લાન માટે જઈ શકો છો. આ પ્લાનમાં BSNL તેના ગ્રાહકોને 365 દિવસની વેલિડિટી સાથે કુલ 600GB ડેટા ઓફર કરે છે. આમાં તમને દરરોજ 100 ફ્રી SMS પણ મળે છે.