![ABP Premium](https://cdn.abplive.com/imagebank/Premium-ad-Icon.png)
Gold Loan: શું ભૌતિક સોનાની જેમ સોવરિન ગોલ્ડ બોન્ડ સામે લોન લઈ મળી શકે છે?
આરબીઆઈ તેને સરકાર વતી જારી કરે છે. તેનો લોક-ઇન સમયગાળો 5 વર્ષનો છે અને 8 વર્ષ પછી પરિપક્વ થાય છે.
![Gold Loan: શું ભૌતિક સોનાની જેમ સોવરિન ગોલ્ડ બોન્ડ સામે લોન લઈ મળી શકે છે? Can you take a loan against Sovereign Gold like physical gold? Gold Loan: શું ભૌતિક સોનાની જેમ સોવરિન ગોલ્ડ બોન્ડ સામે લોન લઈ મળી શકે છે?](https://static.abplive.com/wp-content/uploads/sites/7/2016/10/24123953/5-sovereign-gold-bond-issue-opens-october-24-know-what-is-sgb-and-its-benefits1.jpg?impolicy=abp_cdn&imwidth=1200&height=675)
Gold Loan: ભારત સરકાર ફરી એકવાર સસ્તું સોનું વેચી રહી છે. સરકારે ગોલ્ડ બોન્ડનો બીજો હપ્તો જાહેર કર્યો છે. તમે 1 ગ્રામથી 4 કિલો સુધીના ગોલ્ડ બોન્ડ ખરીદી શકો છો. 1 ગ્રામ ગોલ્ડ બોન્ડની કિંમત 5197 રૂપિયા છે પરંતુ જો તમે ઓનલાઈન પેમેન્ટ કરશો તો તમને પ્રતિ ગ્રામ 50 રૂપિયાનું ડિસ્કાઉન્ટ મળશે. આ યોજના 22 ઓગસ્ટથી શરૂ થઈને 26 ઓગસ્ટ સુધી ચાલશે.
વ્યક્તિગત રીતે વધુમાં વધુ 4 કિલો ગોલ્ડ બોન્ડ ખરીદી શકાય છે જ્યારે ટ્રસ્ટ અથવા તેમના જેવી અન્ય સંસ્થાઓ 20 કિલો સુધીના ગોલ્ડ બોન્ડ લઈ શકે છે. જો તમે તેમાં રોકાણ કરવા માંગો છો, તો પહેલા જાણી લો કે સોવરિન ગોલ્ડ બોન્ડ શું છે. આ સાથે અમે તમને એ પણ જણાવીશું કે શું તમે તેને મોર્ગેજ કરીને લોન લઈ શકો છો.
સોવરિન ગોલ્ડ બોન્ડ શું છે?
આ ડિજિટલ સોનું છે જેમાં તમે રોકાણ કરી શકો છો. અહીં તમને સોનાના એકમો ડિજિટલી આપવામાં આવે છે. આ સ્કીમની શરૂઆત 2015 કરવામાં આવી હતી અને તેનો હેતુ બજારમાં ભૌતિક સોનાના વલણને ઘટાડવાનો હતો. આરબીઆઈ તેને સરકાર વતી જારી કરે છે. તેનો લોક-ઇન સમયગાળો 5 વર્ષનો છે અને 8 વર્ષ પછી પરિપક્વ થાય છે. જો તમે તેને 5 વર્ષ પછી જ વેચવા માંગો છો, તો તમારે લોંગ ટર્મ કેપિટલ ગેઈન ટેક્સ મુજબ 20.80 ટકા ચાર્જ ચૂકવવો પડશે. જો તમે 8 વર્ષ સુધી હોલ્ડ કરો છો અને બોન્ડ્સ મેચ્યોર થાય છે, તો તમારે તેમને વેચવા પરના નફા પર કોઈ ટેક્સ ચૂકવવો પડશે નહીં.
શું આના પર લોન લઈ શકાય?
હા, સોવરિન ગોલ્ડ બોન્ડ્સ ભૌતિક સોનાની જેમ જ ગીરો તરીકે લઈ શકાય છે. તમે આ લોન બેંકો, નાણાકીય સંસ્થાઓ અથવા બિન-નાણાકીય સંસ્થાઓ પાસેથી મેળવી શકો છો. દરેક નાણાકીય સંસ્થાની પોતાની લોન મર્યાદા હોય છે. ઉદાહરણ તરીકે, તમને SBI તરફથી ગોલ્ડ બોન્ડ પર ન્યૂનતમ રૂ. 20,000 અને વધુમાં વધુ રૂ. 20 લાખની લોન મળશે. જ્યારે PNB રૂ. 50,000 થી રૂ. 10 લાખ સુધીની લોન આપે છે. લોન સંબંધિત અન્ય શુલ્ક પણ નાણાકીય સંસ્થાઓ પર નિર્ભર છે. સરેરાશ 10-12 ટકાના દરે વ્યાજ હોય છે.
લોન કેવી રીતે મેળવવી?
લોન લેવા માટે તમારે બેંક અથવા કોઈપણ નાણાકીય સંસ્થામાં જઈને ફોર્મ ભરવું પડશે. ગોલ્ડ બોન્ડ સામે લોન લેવા માટે તમારી પાસે ડીમેટ એકાઉન્ટ હોવું જરૂરી છે. આ માટે એવી બેંક પસંદ કરો જેનો વ્યાજ દર ઓછો હોય.
ગોલ્ડ બોન્ડ ક્યાંથી મેળવી શકું?
રોકાણકારો તેને સ્ટોક હોલ્ડિંગ કોર્પોરેશન ઓફ ઈન્ડિયા લિમિટેડ (SHCIL), પોસ્ટ ઓફિસ અને માન્ય સ્ટોક એક્સચેન્જો, NSE અને BSE દ્વારા ખરીદી શકે છે. જો કે, તમે આને સ્મોલ ફાઇનાન્સ બેંક અને પેમેન્ટ બેંકમાંથી ખરીદી શકતા નથી. ગોલ્ડ બોન્ડનું એક યુનિટ ખરીદો અને તેના મૂલ્ય જેટલી રકમ તમારા ડીમેટ ખાતા સાથે જોડાયેલા ખાતામાંથી કાપવામાં આવે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)