100-200 રૂપિયાની નોટોને લઈ મોટા સમાચાર, ઘરોમાં જમા કરવા લાગ્યા લોકો, શું છે આ પાછળનું કારણ?

Cash Holdings In India: તાજેતરના દિવસોમાં 100 અને 200 રૂપિયાની નોટોને લઈને એક નવો ટ્રેન્ડ જોવા મળી રહ્યો છે.

લોકો 100 અને 200 ની નોટો કેમ જમા કરી રહ્યા છે

Source : pexels

Show Quick Read

Key points generated by AI, verified by newsroom

• લોકો તાજેતરમાં 100-200 રૂપિયાની નોટો ઘરમાં રાખે છે.
• વૈશ્વિક અનિશ્ચિતતાને કારણે લોકો ઘરમાં રોકડ રાખવાનું પસંદ કરે છે.
• કોવિડ પછી સાવચેતીરૂપે રોકડ રાખવાનું પ્રમાણ ખૂબ વધ્યું છે.
• નોટોની સત્તાવાર અછત નથી, લોકો સાવચેતી રાખી રહ્યા છે.

Cash Holdings In India: તાજેતરના દિવસોમાં 100 અને 200 રૂપિયાની નોટોને લઈને એક નવો ટ્રેન્ડ જોવા મળી રહ્યો છે. લોકો પહેલાની સરખામણીએ પોતાના ઘરોમાં વધુ રોકડ (કેશ) રાખવા લાગ્યા છે. અહીં આપણે 500 રૂપિયાની નોટોની વાત નથી કરી રહ્યા, પરંતુ બજારમાં જોવા મળી રહ્યું છે કે 100 અને 200 જેવી નાની નોટોની માંગ અચાનક વધી ગઈ છે. તેનો અર્થ એ નથી કે બજારમાં નોટોની કોઈ અછત છે, પરંતુ ઘણા લોકો સાવચેતીના ભાગરૂપે પોતાની પાસે વધુ કેશ રાખવાનું પસંદ કરી રહ્યા છે.

 

લોકો ઘરોમાં કેશ કેમ રાખી રહ્યા છે?

મીડિયા રિપોર્ટ્સ અનુસાર, પશ્ચિમ એશિયા (મિડલ ઈસ્ટ) માં વધતા તણાવ અને વૈશ્વિક અનિશ્ચિતતાઓની વચ્ચે લોકોએ સાવચેતીના ભાગરૂપે રોકડ રકમ પોતાની પાસે રાખવાનું શરૂ કર્યું છે. આવા સમયે ઘણા લોકો ડિજિટલ પેમેન્ટની સાથે-સાથે કેટલીક રોકડ રકમ ઘરમાં રાખવી વધુ સુરક્ષિત માને છે. એક્સપર્ટ્સનું માનીએ તો જ્યારે દુનિયામાં આર્થિક કે ભૌગોલિક-રાજકીય (Geo-political) અનિશ્ચિતતા વધે છે, ત્યારે લોકો પોતાની જરૂરિયાતો માટે પહેલાથી જ કેશ રાખવા લાગે છે.

કોવિડ પછી લોકો થયા એલર્ટ

રિપોર્ટ્સ અનુસાર, દેશમાં લોકો પાસે રહેલી રોકડમાં વધારાની ઝડપ કોવિડ-19 મહામારી પછી સૌથી ફાસ્ટ રહી છે. આનાથી ખબર પડે છે કે સાવચેતીના ભાગરૂપે કેશ રાખવાની પ્રવૃત્તિ ફરીથી વધી રહી છે. જો કે, તેનો અર્થ એ બિલકુલ નથી કે બેંકિંગ સિસ્ટમ કે ડિજિટલ પેમેન્ટ પર લોકોનો ભરોસો ઓછો થયો છે. દેશમાં UPI અને ડિજિટલ ટ્રાન્ઝેક્શન સતત વધી રહ્યા છે, પરંતુ તેની સાથે લોકો થોડી રોકડ પણ પોતાની પાસે રાખવાનું પસંદ કરી રહ્યા છે.

શું બજારમાં 100-200 ની નોટોની અછત છે?

આ સવાલનો સીધો જવાબ છે, ના. હાલમાં 100 અને 200 રૂપિયાની નોટોની કોઈ સત્તાવાર અછત હોવાનું સામે આવ્યું નથી. ભારતીય રિઝર્વ બેંક (RBI) અને બેંકિંગ સિસ્ટમ પાસે પૂરતી કરન્સી ઉપલબ્ધ છે. વધતી માંગનું કારણ માત્ર લોકોની સાવચેતીના ભાગરૂપે રોકડ રાખવાની આદત માનવામાં આવી રહ્યું છે.

શું ઘરમાં વધુ કેશ રાખવી જોઈએ?

રોજિંદા કામો અને જરૂરિયાતો માટે તો કેશ રાખવી જ જોઈએ. આ સિવાય ઇમરજન્સી જેવી સ્થિતિ માટે પણ મર્યાદિત માત્રામાં રોકડ રાખવી યોગ્ય ગણાય છે. પરંતુ બહુ વધારે કેશ ઘરમાં રાખવી સુરક્ષિત માનવામાં આવતી નથી. તમારા પૈસા બેંક એકાઉન્ટ અથવા ઓનલાઈન બેંકિંગમાં રાખવા જ વધુ હિતાવહ છે.

આ પણ વાંચો

8th Pay Commission: કેન્દ્રિય કર્મચારીઓની સેલેરી પર આવ્યું મોટું અપડેટ, ફિટમેન્ટ ફેક્ટરને લઈને શું આવ્યા સમાચાર

Gold- Silver Rate Today: સોનાની કિંમતમાં ફરી એકવાર ઉછાળો, જાણો લેટેસ્ટ કિંમત