Fact Check : તમારુ 15,490 રૂપિયાનું ઇન્કમટેક્સ રિફંડ અપ્રુવ થઇ ગયું છે? વાયરલ થઇ રહેલા મેસેજનું શું છે સત્ય

આ મેસેજમાં દાવો કરવામાં આવી રહ્યો છે કે તમારા આવકવેરા રિફંડની કેટલીક રકમ મંજૂર કરવામાં આવી છે

પ્રતિકાત્મક તસવીર ( Image Source :Freepik )

સોશિયલ મીડિયા પર એક મેસેજ વાયરલ થઈ રહ્યો છે. આ મેસેજમાં દાવો કરવામાં આવી રહ્યો છે કે તમારા આવકવેરા રિફંડની કેટલીક રકમ મંજૂર કરવામાં આવી છે અને ટૂંક સમયમાં તમારા બેન્ક ખાતામાં જમા કરવામાં આવશે. મેસેજમાં એક એકાઉન્ટ નંબર પણ આપવામાં આવ્યો છે, જે જો મેસેજ ખોટો જણાય તો નીચે આપેલ લિંક પર ક્લિક કરીને અપડેટ કરવાનું કહેવામાં આવ્યું છે. તપાસમાં આ દાવો ખોટો સાબિત થયો છે. ખરેખર, આવકવેરા વિભાગ દ્વારા આવો કોઈ સંદેશ મોકલવામાં આવ્યો નથી. આ સંદેશ એક કૌભાંડ છે. આમાં બેન્ક રેકોર્ડ અપડેટ કરવા માટે મેસેજમાં આપેલા URL પર ક્લિક કરવાથી તમારી માહિતી ચોરાઈ જશે.

A viral message claims that the recipient has been approved for an income tax refund of ₹ 15,490.#PIBFactCheck

✔️ This claim is 𝐅𝐚𝐤𝐞.

✔️ @IncomeTaxIndia has 𝐧𝐨𝐭 sent this message.

✔️𝐁𝐞𝐰𝐚𝐫𝐞 of such scams & 𝐫𝐞𝐟𝐫𝐚𝐢𝐧 from sharing your personal information. pic.twitter.com/dsRPkhO3gg

— PIB Fact Check (@PIBFactCheck) August 2, 2023

આ મેસેજ સોશિયલ મીડિયા પર વ્યાપક પ્રમાણમાં શેર કરવામાં આવી રહ્યો છે. તેમાં લખ્યું હતું- પ્રિય સર, તમારું 15,490 રૂપિયાનું આવકવેરા રિફંડ મંજૂર થઈ ગયું છે. ટૂંક સમયમાં આ રકમ તમારા ખાતામાં જમા થઈ જશે. મેસેજમાં એકાઉન્ટ નંબર પણ આપવામાં આવ્યો હતો. જો તે આ સત્ય નથી તો કૃપા કરીને નીચેની લિંક પર ક્લિક કરીને તમારો બેન્ક એકાઉન્ટ નંબર અપડેટ કરો.

'PIB ફેક્ટ ચેક'એ પોતાના ટ્વિટમાં કહ્યું હતું કે એક વાયરલ મેસેજમાં દાવો કરવામાં આવ્યો છે કે મેસેજ મળનાર માટે 15,490 રૂપિયાનું ઈન્કમ ટેક્સ રિફંડ મંજૂર કરવામાં આવ્યું છે. આ દાવો ખોટો છે. @IncomeTaxIndiaએ આ મેસેજ મોકલ્યો નથી. આવા કૌભાંડોથી સાવધ રહો અને તમારી અંગત માહિતી શેર કરવાનું ટાળો. PIB ફેક્ટ ચેક એ 'પ્રેસ ઇન્ફર્મેશન બ્યુરો'નું ફેક્ટ ચેકિંગ યુનિટ છે.