Fixed Deposit: આ 6 ખાનગી બેંકો FD પર આપે છે તગડું વ્યાજ, વરિષ્ઠ નાગરિકો માટે વિશેષ ઓફર

આ બેંકો તમને ફિક્સ્ડ ડિપોઝિટ પર મહત્તમ 7.5% વ્યાજ ઓફર કરી રહી છે.

પ્રતિકાત્મક તસવીર

Fixed Deposit Rates: નવા વર્ષ દરમિયાન, મોટાભાગની બેંકોએ તેમની ફિક્સ્ડ ડિપોઝિટના વ્યાજ દરમાં વધારો કર્યો છે. આ બેંકો સામાન્ય નાગરિકો અને વરિષ્ઠ નાગરિકોને પહેલા કરતા વધુ વ્યાજ આપી રહી છે. જો તમે ફિક્સ્ડ ડિપોઝિટ પર વધુ વ્યાજ મેળવવા માંગો છો, તો તમે આ બેંકોમાં રોકાણ કરી શકો છો.

અહીં 6 ખાનગી બેંકો વિશે માહિતી આપવામાં આવી છે, જેમાં HDFC બેંક, ICICI બેંક, યસ બેંક, IDFC ફર્સ્ટ બેંક જેવી ખાનગી ક્ષેત્રની બેંકોનો સમાવેશ થાય છે. આ બેંકો તમને ફિક્સ્ડ ડિપોઝિટ પર મહત્તમ 7.5% વ્યાજ ઓફર કરી રહી છે. ચાલો જાણીએ આ છ બેંકોના ફિક્સ્ડ ડિપોઝિટ રેટ વિશે સંપૂર્ણ વિગતો…

HDFC બેંક FD દરો

HDFC બેંક વરિષ્ઠ નાગરિકોને 3.50 ટકાથી 7.75 ટકા સુધીનું વ્યાજ આપી રહી છે. આ વ્યાજ વરિષ્ઠ નાગરિકોને 5 વર્ષ 1 દિવસથી લઈને 10 વર્ષ સુધીના કાર્યકાળ માટે આપવામાં આવે છે.

ICICI બેંકમાં ફિક્સ્ડ ડિપોઝિટ

ICICI બેંક વરિષ્ઠ નાગરિકોને 3.50% થી 7.50% સુધીનું વ્યાજ પણ આપી રહી છે. ICICI બેંક 15 મહિનાથી 10 વર્ષ સુધીના સમયગાળાની FD પર સૌથી વધુ વ્યાજ ઓફર કરે છે.

એક્સિસ બેંક FD

આ બેંક વરિષ્ઠ નાગરિકોને 3.50 ટકાથી 8.01 ટકા સુધીનું વ્યાજ આપી રહી છે. એક્સિસ બેંક 2 વર્ષથી લઈને 30 મહિનાથી ઓછા સમયગાળાની મુદત પર સૌથી વધુ વ્યાજ ઓફર કરે છે.

યસ બેંક એફડી દર

આ બેંકના FD દરની વાત કરીએ તો, આ બેંક વરિષ્ઠ નાગરિકોને ફિક્સ ડિપોઝિટ પર 3.75% થી 7.75% વ્યાજ આપી રહી છે. 30 મહિનાની FD પર 8 ટકાના દરે સૌથી વધુ વ્યાજ આપવામાં આવી રહ્યું છે.

બંધન બેંક એફડી દર

બંધન બેંક વરિષ્ઠ નાગરિકો માટે ફિક્સ ડિપોઝિટ પર 3.75 ટકાથી 8 ટકા વ્યાજ ચૂકવે છે. 600 દિવસના કાર્યકાળ પર ઉચ્ચ FD દર આપવામાં આવી રહ્યા છે.

IDFC ફર્સ્ટ બેંક FD

IDFC ફર્સ્ટ બેંકની FD પર વરિષ્ઠ નાગરિકોને 4 ટકાથી 8 ટકા સુધીનું વ્યાજ આપવામાં આવે છે. 18 મહિના 1 દિવસથી લઈને 3 વર્ષ સુધીની ફિક્સ્ડ ડિપોઝિટ પર વધુ વ્યાજ દર આપવામાં આવે છે.