Gold Price History: 100 વર્ષ પહેલા શું હતો સોનાનો ભાવ? આંકડો જાણીને તમે ચોંકી જશો!
Gold Price History: શું તમે જાણો છો 1925 માં સોનાનો ભાવ શું હતો? આજે 1.43 લાખે પહોંચેલા સોનાનો 100 વર્ષ જૂનો ઈતિહાસ અને રોકાણના બદલાતા ટ્રેન્ડ વિશે જાણો.
Gold Price History: હાલના સમયમાં શેરબજારની ઉથલપાથલ વચ્ચે રોકાણકારો માટે સુરક્ષિત માનવામાં આવતા કોમોડિટી માર્કેટ (Commodity Market) માં જબરદસ્ત તેજી જોવા મળી રહી છે. વૈશ્વિક સ્તરે ચાલી રહેલા તણાવને કારણે સોના અને ચાંદીના ભાવ નવી ઊંચાઈઓ સર કરી રહ્યા છે. વર્ષ 2026 ની શરૂઆતથી જ કિંમતી ધાતુઓના ભાવ આસમાને છે. પરંતુ શું તમે ક્યારેય વિચાર્યું છે કે આજના મોંઘવારીના યુગમાં જે સોનું લાખોમાં વેચાય છે, તે આજથી બરાબર 100 વર્ષ પહેલાં કયા ભાવે મળતું હતું?
ચાલો, ઈતિહાસના પાના ઉલટાવીએ અને જાણીએ 1925 ના સમયના સોના-ચાંદીના રસપ્રદ ભાવ.
100 વર્ષ પહેલાનો સુવર્ણ ઈતિહાસ
જો આપણે વર્ષ 1925 ની વાત કરીએ તો, તે સમયે સોનાના ભાવ સાંભળીને તમને વિશ્વાસ નહીં આવે.
વર્ષ 1925: તે સમયે 10 ગ્રામ સોનાનો ભાવ માત્ર ₹18.75 હતો.
વર્ષ 1926: ભાવમાં સામાન્ય ઘટાડો થયો હતો અને તે ₹18.43 પ્રતિ 10 ગ્રામ પર પહોંચ્યો હતો.
1930 સુધીની સ્થિતિ: તે પછીના 5 વર્ષ સુધી બજાર દબાણમાં રહ્યું હતું. 1927-28 માં ભાવ ₹18.37 અને 1930 માં ઘટીને ₹18.5 થયા હતા.
આંતરરાષ્ટ્રીય બજારની વાત કરીએ તો, જાન્યુઆરી 1925 માં સોનાનો ભાવ $20.72 અને ચાંદીનો ભાવ $0.62 આસપાસ હતો.
The 100-year history of the gold price in India.
— Vivek (@Vivek_Investor) January 13, 2026
The 24-carat gold rate today is around ₹144000/- pic.twitter.com/inE7UTGEY3
2026 માં આસમાને પહોંચ્યા ભાવ
હવે સીધા વર્તમાન સમય એટલે કે 2026 પર આવીએ. 100 વર્ષમાં સ્થિતિ સંપૂર્ણ બદલાઈ ગઈ છે.
સોનાનો ભાવ: હાજર બજારમાં 10 ગ્રામ સોનાનો ભાવ અત્યારે ₹1,43,860 બોલાઈ રહ્યો છે. વાયદા બજારમાં 5 માર્ચ, 2026 ના કોન્ટ્રાક્ટ માટે આ ભાવ ₹1,43,295 છે.
ચાંદીની ચમક: ચાંદીમાં પણ રેકોર્ડબ્રેક તેજી છે. 1 કિલો ચાંદીનો ભાવ ₹2,85,890 પર પહોંચી ગયો છે. છેલ્લા એક વર્ષમાં જ ચાંદીમાં 160% નો જંગી ઉછાળો નોંધાયો છે.
બદલાતી રોકાણ શૈલી: ઘરેણાંથી ETF સુધી
સોનાને હંમેશા 'સુરક્ષિત સંપત્તિ' (Safe Haven Asset) માનવામાં આવે છે. પહેલાના જમાનામાં લોકો માત્ર ઘરેણાં કે સિક્કા સ્વરૂપે જ સોનું ખરીદતા હતા. પરંતુ હવે ટેકનોલોજીના યુગમાં રોકાણની રીત બદલાઈ છે. આજના રોકાણકારો ફિઝિકલ ગોલ્ડને બદલે ગોલ્ડ ઈટીએફ (Gold ETF) અને ડિજિટલ ગોલ્ડ તરફ વળ્યા છે. ખાસ કરીને ચાંદીના ETF એ રોકાણકારોને ટૂંકા ગાળામાં જંગી વળતર (Return on Investment) કમાઈ આપ્યું છે.
સમય બદલાયો છે, રોકાણની રીત બદલાઈ છે, પણ સોના-ચાંદીનું મહત્વ અને તેની ચમક આજે પણ 100 વર્ષ પહેલાં જેવી જ અકબંધ છે.
ટોપ સ્ટોરી
ટ્રેન્ડિંગ સમાચાર
