West Bengal: વિરભૂમની હોટેલમાં ભીષણ આગ, 5 લોકોના દર્દનાક મોત

West Bengal:  પશ્ચિમ બંગાળના તારાપીઠમાં વહેલી સવારે એક હોટેલમાં ભીષણ આગ લાગવાથી ઓછામાં ઓછા 5 લોકોના દાઝી જવાથી મોત થયા છે, જ્યારે અન્ય 5 લોકો ઈજાગ્રસ્ત હોવાનું કહેવાઈ રહ્યું છે.

તારાપીઠ હોટેલમાં આગ

Source : ANI

Show Quick Read

Key points generated by AI, verified by newsroom

• પશ્ચિમ બંગાળના તારાપીઠમાં હોટેલમાં ભીષણ આગ લાગી, સાત મૃત્યુ.
• શોર્ટ સર્કિટથી લાગેલી આગ ગ્રાઉન્ડ ફ્લોરથી ચાર માળ સુધી ફેલાઈ.
• સવારે પાંચ વાગ્યે મહેમાનો ઊંઘતા હતા, નાસભાગ મચી હતી.
• ફાયર બ્રિગેડે આગ પર કાબૂ મેળવ્યો, ઈજાગ્ર્રસ્તોને હોસ્પિટલે ખસેડાયા.

West Bengal:  પશ્ચિમ બંગાળના તારાપીઠમાં વહેલી સવારે એક હોટેલમાં ભીષણ આગ લાગવાથી ઓછામાં ઓછા 5 લોકોના દાઝી જવાથી મોત થયા છે, જ્યારે અન્ય 5 લોકો ઈજાગ્રસ્ત હોવાનું કહેવાઈ રહ્યું છે. પ્રાથમિક માહિતી મુજબ, આગ શોર્ટ સર્કિટના કારણે લાગી હોવાની આશંકા છે. આગ સૌથી પહેલાં હોટેલના ગ્રાઉન્ડ ફ્લોર પર લાગી અને જોતજોતામાં ચાર માળની ઈમારતમાં ફેલાઈ ગઈ. ઘટના બાદ હોટેલમાં રોકાયેલા શ્રદ્ધાળુઓમાં નાસભાગ અને અફરાતફરી મચી ગઈ હતી.

 

AC માં આગ લાગવાથી આખી હોટેલમાં ફેલાઈ આગ

જણાવાઈ રહ્યું છે કે સોમવારે સવારે હોટેલના ફર્સ્ટ ફ્લોર પર રિસેપ્શનના AC માં આગ લાગી ગઈ. અત્યાર સુધીની માહિતી મુજબ, હોટેલમાં ફાયર સિક્યુરિટી હતી પરંતુ મહત્વના સમયે ફાયર એલાર્મ વાગ્યું નહીં. આગ ધીમે-ધીમે આખી હોટેલમાં ફેલાઈ ગઈ. હોટેલ અને તેની આસપાસનો વિસ્તાર ધુમાડાથી ભરાઈ ગયો. કેટલાક લોકોના આગમાં ગૂંગણામણને કારણે મોત થયા, જ્યારે કેટલાક લોકો જીવતા સળગી ગયા. મૃતકોની સંખ્યા વધી શકે છે.

આગ લાગી તે સમયે ઊંઘી રહ્યા હતા લોકો

પોલીસે જણાવ્યું કે આગ સવારે લગભગ 5 વાગ્યે તારાપીઠ મંદિર નગરી સ્થિત ચાર માળની એક હોટેલના ગ્રાઉન્ડ ફ્લોર પર લાગી. તે સમયે હોટેલમાં રોકાયેલા મોટાભાગના અતિથિઓ ઊંઘી રહ્યા હતા. માહિતી મળતા જ ફાયર બ્રિગેડની ગાડીઓ ઘટનાસ્થળે પહોંચી અને આગ પર કાબૂ મેળવ્યો. ઈજાગ્રસ્તોને રામપુરહાટ સરકારી મેડિકલ કોલેજ અને હોસ્પિટલ લઈ જવામાં આવ્યા. હોસ્પિટલના સૂત્રોએ શરૂઆતમાં જણાવ્યું હતું કે આગની ઘટનામાં 5 લોકોના મોત થયા છે. જોકે, પાછળથી પોલીસે 7 લોકોના મોત થયા હોવાની માહિતી આપી. હોટેલ સત્તાવાળાઓએ દાવો કર્યો કે આગ શોર્ટ સર્કિટના કારણે લાગી.

મૃતકોમાં ઘણા તીર્થયાત્રીઓ સામેલ

કોલકાતાની એક મહિલા આગમાંથી બચી નીકળવામાં સફળ રહી. તેણે જણાવ્યું કે હોટેલની અંદર આગના કારણે અફરાતફરી મચી ગઈ. અચાનક, આખી હોટેલ ધુમાડાથી ભરાઈ ગઈ. અમને શ્વાસ લેવામાં તકલીફ થઈ રહી હતી અને બહાર નીકળવાનો રસ્તો શોધવો મુશ્કેલ હતો. પોલીસ અધિકારીઓએ જણાવ્યું કે મરનારાઓમાં કેટલાક તીર્થયાત્રીઓ પણ સામેલ હતા, જેઓ પ્રખ્યાત કાલી મંદિરમાં પૂજા કરવા માટે શહેર આવ્યા હતા.                                   

આ પણ વાંચો

UP-બિહાર-ઝારખંડ સહિત 10 રાજ્યોમાં મુસળધાર વરસાદની હવામાન વિભાગની આગાહી

બિહારના લખીસરાયના અશોકધામ મંદિરમાં ભાગદોડ, સાત શ્રદ્ધાળુઓના મોત