ઇન્કમ ટેક્સ રિફંડ નથી મળ્યું? અકાઉન્ટમાં ક્યારે આવશે પૈસા, આ રીતે ચેક કરો સ્ટેટસ
ITR Refund:નાણાકીય વર્ષ 2024-25 માટે ITR ફાઇલ કર્યા પછી પણ, ઘણા વ્યક્તિઓને હજુ સુધી તેમના બેંક ખાતાઓમાં દાવો કરાયેલ રિફંડ મળ્યું નથી. આ મુદે આવકવેરા વિભાગે શું સ્પષ્ટતા કરી છે. જાણીએ
ITR Refund:આવકવેરા રિટર્ન ફાઇલ કર્યા પછી, લોકો તેમના રિફંડની આતુરતાથી રાહ જુએ છે. નાણાકીય વર્ષ 2024-25 માટે મોટાભાગના ITR ફાઇલ કરનારાઓને રિફંડ આવી ગયુ છે, પરંતુ કેટલાક એવા પણ કરદાતા છે. જેમને તેમનું હજુ સુધી રિફંડ મળ્યા નથી. આ વિલંબનું કારણ શું છે? જાણીએ...
ગત સોમવારે, આવકવેરા વિભાગે જાહેરાત કરી હતી કે, કેટલાક રિફંડ દાવાઓની વધુ કાળજીપૂર્વક સમીક્ષા કરવામાં આવી રહી છે કારણ કે તે "હાઇ વેલ્યુ" અથવા " રેડ ફ્લેગ્ડ"ની કેટેગરીમાં આવે છે. આ કિસ્સાઓમાં સામાન્ય રીતે ચોક્કસ કપાત માટેની રિક્વેસ્ટ શામેલ હોય છે, જેને મંજૂરી પહેલાં વધારાની ચકાસણીની જરૂર હોય છે. સેન્ટ્રલ બોર્ડ ઓફ ડાયરેક્ટ ટેક્સીસ (CBDT) અનુસાર, બધા વાસ્તવિક રિફંડ ડિસેમ્બર 2025 સુધીમાં જાહેર થવાની અપેક્ષા છે.
ક્લેમ સ્ટેટસ કેવી રીતે ચેક કરશો?
જો તમે પહેલાથી જ તમારું આવકવેરા રિટર્ન (ITR) ફાઇલ કર્યું છે અને રિફંડ માટે પાત્ર છો, તો હવે તમે તમારા પરમેનન્ટ એકાઉન્ટ નંબર (PAN) નો ઉપયોગ કરીને તેની સ્થિતિ ઓનલાઈન ચકાસી શકો છો. આવકવેરા વિભાગ કરદાતાઓને ઈ-ફાઇલિંગ પોર્ટલ અને NSDL-TIN વેબસાઇટ દ્વારા આ ચેક કરવાની સુવિધા આપે છે.
સૌપ્રથમ, તમારે સત્તાવાર આવકવેરા વેબસાઇટની મુલાકાત લેવાની અને તમારા યુઝર ID અને પાસવર્ડ સાથે લોગ ઇન કરવાની જરૂર છે. અહીં, તમને ઈ-ફાઇલિંગ શ્રેણી હેઠળ આવકવેરા રિટર્ન વિકલ્પ મળશે. વ્યૂ ફાઇલ્ડ રિટર્ન પર ક્લિક કરવાથી તમારા ક્લેમનું સ્ટેટસ દેખાશે. રિફંડ જમા થાય તે પહેલાં, ખાતરી કરવી મહત્વપૂર્ણ છે કે તમારું બેંક એકાઉન્ટ પ્રી-વેલિડેટેડ છે, તમારું રિટર્ન યોગ્ય રીતે ફાઇલ કરવામાં આવ્યું છે અને તમારું ITR ઈ-વેરિફાઇડ છે.
સંપૂર્ણ માહિતી એક ક્લિકમાં ઉપલબ્ધ છે.
તમે NSDL-TIN વેબસાઇટ પર તમારા રિફંડને ટ્રેક કરી શકો છો. તમારા PAN દાખલ કર્યા પછી અને એસેસમેન્ટ ઇયર પસંદ કર્યા પછી, પેજ રિફંડ ડિટેલ્સ દેખાશે, જેમાં રિફંડ જાહેર કરવામાં આવ્યું છે કે નહીં, રકમ અને ઉપયોગમાં લેવાતી પદ્ધતિ - ચેક અથવા NEFT - શામેલ છે. આ દરમિયાન, વિભાગ તેની તપાસ ચાલુ રાખશે, કરદાતાઓ કોઈપણ અપડેટ ચૂકી ન જાય તેની ખાતરી કરવા માટે તેમના રિફંડ સ્ટેટસને ઓનલાઈન ટ્રેક કરી શકે છે.
ટોપ સ્ટોરી
ટ્રેન્ડિંગ સમાચાર
