તમારા Aadhaar Card પર કેટલા સિમ એક્ટિવ છે ? આ રીતે ઓનલાઈન ચેક કરો 

આજના સમયમાં આધાર કાર્ડ અને મોબાઈલ બંને મૂળભૂત જરૂરિયાત બની ગયા છે. જ્યારે મોબાઈલ આપણને લોકો સાથે જોડાયેલા રહેવામાં મદદ કરે છે.

પ્રતિકાત્મક તસવીર

Source : તસવીર સોશિયલ મીડિયા

આજના સમયમાં આધાર કાર્ડ અને મોબાઈલ બંને મૂળભૂત જરૂરિયાત બની ગયા છે. જ્યારે મોબાઈલ આપણને લોકો સાથે જોડાયેલા રહેવામાં મદદ કરે છે, ત્યારે આધાર કાર્ડ એક મુખ્ય આઈડી કાર્ડ બની ગયું છે. શાળા, બેંક, નોકરી જેવી લગભગ દરેક જગ્યાએ આધાર કાર્ડનો ઉપયોગ થાય છે. હવે સિમ લેવા માટે પણ આધાર કાર્ડનો ઉપયોગ થાય છે. કોઈપણ છેતરપિંડીનો શિકાર ન બનવા માટે, એ જાણવું મહત્વપૂર્ણ છે કે અમારા આધાર કાર્ડ સાથે કેટલા સિમ એક્ટિવ છે.

તમને જણાવી દઈએ કે સુરક્ષાને ધ્યાનમાં રાખીને સિમ કાર્ડને આધાર સાથે લિંક કરવું ફરજિયાત કરવામાં આવ્યું છે. તમે એક આધાર કાર્ડથી માત્ર મર્યાદિત સિમ કાર્ડ ખરીદી શકો છો. ઘણી વખત એવું બને છે કે આપણે ભૂતકાળમાં ઘણા સિમ ખરીદ્યા હોય છે અને આપણને યાદ પણ રહેતું નથી. જો તમે પણ ભૂલી ગયા હોવ કે તમારા આધાર પર કેટલા સિમ કાર્ડ એક્ટિવ છે, તો તમારા માટે ઉપયોગી સમાચાર છે.

ટેલિકોમ્યુનિકેશન વિભાગના નિયમો અનુસાર, કોઈપણ વ્યક્તિ એક આધાર કાર્ડ પર માત્ર 9 સિમ કાર્ડ ખરીદી શકે છે. જો આંકડો આના કરતા વધી જાય તો કાયદેસરની કાર્યવાહી થઈ શકે છે. તેથી, તમારે જાણવું જોઈએ કે તમારા આધાર પર કેટલા સિમ કાર્ડ એક્ટિવ છે. તમને જણાવી દઈએ કે UIDAI દ્વારા એક નવી સેવા શરૂ કરવામાં આવી છે જેના દ્વારા તમે સરળતાથી જાણી શકશો કે તમારા આધાર સાથે કેટલા સિમ કાર્ડ એક્ટિવ છે.

આધાર કાર્ડ સાથે લિંક થયેલ સિમ કાર્ડ કેવી રીતે શોધી શકાય

તમે તમારા આધાર કાર્ડ સાથે જોડાયેલ મોબાઈલ નંબર ઘણી રીતે શોધી શકો છો. આવો અમે તમને બે સૌથી સરળ રીતો વિશે જણાવીએ.

સૌ પ્રથમ, તમારા ટેલિકોમ ઓપરેટરની સત્તાવાર વેબસાઇટ પર જાઓ. વેબસાઈટ પર તમારે 'આધાર લિંકિંગ' અથવા 'વેરીફાઈ નંબર' પસંદ કરવાનું રહેશે.

હવે તમારે તમારી અંગત વિગતો ભરવાની રહેશે. આ પછી તમારા નંબર પર એક OTP આવશે. આ OTP ભર્યા પછી, તમે જોઈ શકશો કે તમારા આધાર કાર્ડ પર હાલમાં કેટલા નંબર એક્ટિવ છે.

આ સિવાય તમે *121# પર કોલ કરીને આધાર કાર્ડ સાથે જોડાયેલા મોબાઈલ નંબર વિશે પણ માહિતી મેળવી શકો છો. તમને જણાવી દઈએ કે આ સેવા ટેલિકોમ કંપનીઓ દ્વારા આપવામાં આવે છે.

તમે UIDAI ની સત્તાવાર વેબસાઇટ પર જઈને તમારા આધાર કાર્ડને લગતી તમામ માહિતી મેળવી શકો છો. અહીં તમને તમારા આધાર કાર્ડ સાથે જોડાયેલા સિમ કાર્ડ વિશે પણ માહિતી મળશે.

સંચાર સાથી પોર્ટલ મદદ

• આધાર સાથે લિંક કરેલ સિમ કાર્ડ વિશેની માહિતી માટે, તમે વેબસાઇટ https://www.sancharsaathi.gov.in/ પર પણ જઈ શકો છો.
• આ વેબસાઈટ પર જઈને તમારે Citizen Centric Services ના વિકલ્પ પર ક્લિક કરવાનું રહેશે.
• અહીં તમને Know Mobile Connections (TAFCOP) નો વિકલ્પ મળશે. તેના પર ક્લિક કરો.
• તમે તમારા મોબાઈલ નંબર પર મળેલ OTP ભરીને TAFCOP માં લૉગિન કરી શકશો.
• વેરિફિકેશન પછી, તમે અહીં જોશો કે તમારા આધાર કાર્ડ સાથે કેટલા નંબર લિન્ક છે.