IT રિટર્ન ભરવાની છેલ્લી તારીખ 31 ઓગસ્ટ, તેમાં વધારો કરવાની જાણકારી ખોટી- ઈનકમ ટેક્સ વિભાગ

ઈનકમ ટેક્સ વિભાગે કહ્યું ઈનકમ ટેક્સ રિટર્ન ફાઈલ કરવાની છેલ્લી તારીખ 31 ઓગસ્ટ છે. ટેક્સપેયર્સને સલાહ આપવામાં આવે છે કે તેઓ આ તારીખ પહેલા પોતાનુ રિટર્ન ફાઈલ કરી લે.

નવી દિલ્હી: ઈનકમ ટેક્સ રિટર્ન ફાઈલ કરવાની તારીખમાં વધારો કરવાને લઈને સોશિયલ મીડિયામાં ચાલી રહેલા રિપોર્ટ્સને ઈનકમ ટેક્સ વિભાગે ખોટા ગણાવ્યા હતા.  ઈનકમ ટેક્સ  વિભાગે કહ્યું ઈનકમ ટેક્સ રિટર્ન ફાઈલ કરવાની છેલ્લી તારીખ 31 ઓગસ્ટ છે. ટેક્સપેયર્સને સલાહ આપવામાં આવે છે કે તેઓ આ તારીખ પહેલા પોતાનુ રિટર્ન ફાઈલ કરી લે.

It has come to the notice of CBDT that an order is being circulated on social media pertaining to extension of due dt for filing of IT Returns. It is categorically stated that the said order is not genuine.Taxpayers are advised to file Returns within extended due dt of 31.08.2019 pic.twitter.com/m7bhrD8wMy

— Income Tax India (@IncomeTaxIndia) August 30, 2019

ઈનકમ ટેક્સ વિભાગે ટ્વિટ કર્યું, સોશિયલ મીડિયા પર ઈનકમ ટેક્સ રિટર્ન ફાઈલ કરવાની તારીખમાં વધારો કરવાને લઈને એક આદેશ પ્રસારિત થઈ રહ્યો છે. એ વાત સ્પષ્ટ કરવામાં આવે છે કે આ આદેશ સાચો નથી. ટેક્સ ભરનારાઓને સલાહ આપવામાં આવે છે કે તેઓ 31 ઓગસ્ટ પહેલા ઈનકમ ટેક્સ રિટર્ન ફાઈલ કરી લે. ઈનકમ ટેક્સ વિભાગ તરફથી આ સ્પષ્ટીકરણ સોશિયલ મીડિયા પર 29 ઓગસ્ટના એક આદેશ પ્રસારિત થયા બાદ આવ્યો છે. જેમાં ઈનકમ ટેક્સ રિટર્ન ફાઈલ કરવાની તારીખને વધારીને 30 સપ્ટેમ્બર કરવામાં આવી છે. સરકારે 23 જૂલાઈ 2019ના ઈનકમ ટેક્સ રિટર્ન ફાઈલ કરવાની છેલ્લી તારીખ 31 ઓગસ્ટ કરી હતી. આ પહેલા 31 જૂલાઈ હતી.