ભારતમાં આવતું 40% સોનું માત્ર આ એક જ દેશમાંથી આવે છે, જાણો ભારતની સોનાની આયાતનું ગણિત

India gold import stats 2026: વર્ષે 700-800 ટન સોનાની આયાત; સ્વિટ્ઝર્લૅન્ડ સૌથી મોટો સપ્લાયર, જ્યારે વપરાશમાં કેરળ રાજ્ય છે નંબર-1.

India Gold Import Bill 71 Billion Switzerland Supply Kerala Demand

Source : ai

Show Quick Read

Key points generated by AI, verified by newsroom

• ભારત વાર્ષિક ૭૦૦-૮૦૦ ટન સોનાની આયાત કરે છે.
• ૨૦૨૫-૨૬માં સોનાની આયાત $૭૧.૯૮ બિલિયન પહોંચી.
• સ્વિટ્ઝર્લેન્ડ, યુએઈ, દક્ષિણ આફ્રિકા મુખ્ય સપ્લાયર દેશો.
• દક્ષિણ ભારતમાં સોનાનો વપરાશ સૌથી વધુ, રોકાણ પણ.

India gold import stats 2026: વડાપ્રધાન નરેન્દ્ર મોદીએ તાજેતરમાં જ દેશવાસીઓને અપીલ કરી હતી કે એક વર્ષ સુધી સોનું ન ખરીદવું જોઈએ. આ અપીલ બાદ હવે લોકોમાં એ વાતની ભારે ચર્ચા જાગી છે કે આખરે ભારત દર વર્ષે વિદેશમાંથી કેટલું સોનું મંગાવે છે અને તેનો આટલો બધો વપરાશ ક્યાં થાય છે? ભારત દુનિયામાં સોનાના સૌથી મોટા ગ્રાહકોમાંનું એક છે. સોનાના સતત વધતા ભાવ અને વિદેશી હૂંડિયામણ (Foreign Exchange) પર પડતા દબાણને કારણે સરકાર ચિંતિત છે, તેમ છતાં ભારતીય પરિવારોમાં સોનાનો ક્રેઝ ઘટવાનું નામ નથી લેતો.

તમને જાણીને નવાઈ લાગશે કે ભારત દર વર્ષે અંદાજે 700 થી 800 ટન સોનાની આયાત કરે છે. આપણે ત્યાં સોનાનું ઉત્પાદન ઘણું ઓછું થાય છે, જેના કારણે દેશની કુલ જરૂરિયાતના 90% થી 95% જેટલું સોનું બહારના દેશોમાંથી જ મંગાવવું પડે છે. વર્ષ 2025-26 દરમિયાન સોનાની આયાતનું બિલ રેકોર્ડ બ્રેક $71.98 બિલિયન પર પહોંચી ગયું છે, જે ભારતીય રૂપિયામાં ₹6 લાખ કરોડથી પણ વધુ થાય છે. આ આયાત દેશના વિદેશી હૂંડિયામણ ભંડાર પર મોટું દબાણ લાવી રહી છે.

ભારતમાં સોનું સપ્લાય કરવામાં સ્વિટ્ઝર્લૅન્ડ સૌથી આગળ છે. કુલ આયાતમાં અંદાજે 40% જેટલો હિસ્સો એકલું સ્વિટ્ઝર્લૅન્ડ પૂરું પાડે છે. આ સિવાય સંયુક્ત આરબ અમીરાત (UAE), દક્ષિણ આફ્રિકા અને પેરુ જેવા દેશોમાંથી પણ મોટા પાયે સોનું ભારત આવે છે.

જ્યારે વપરાશની વાત આવે, ત્યારે દક્ષિણ ભારતનાં રાજ્યો બાજી મારી જાય છે. કેરળ, તમિલનાડુ, કર્ણાટક અને આંધ્રપ્રદેશમાં સોનાની ભારે માંગ રહે છે. આખા ભારતના કુલ વપરાશમાં એકલું કેરળ જ 20% જેટલો હિસ્સો ધરાવે છે. ભારતીય પરિવારોમાં લગ્નપ્રસંગો અને તહેવારો, જેમ કે ધનતેરસ અને અક્ષય તૃતીયા, સોનાની ખરીદી માટેના સૌથી મોટા કારણો બને છે.

દાગીના પહેરવા સિવાય, ભારતીય લોકો સોનાને રોકાણ માટેનો સૌથી સુરક્ષિત અને ભરોસાપાત્ર વિકલ્પ માને છે. જ્યારે મોંઘવારી વધે અથવા આર્થિક અનિશ્ચિતતા જેવો માહોલ હોય, ત્યારે લોકો અન્ય જગ્યાએ પૈસા રોકવાને બદલે સોનામાં રોકાણ કરવાનું વધુ પસંદ કરે છે, કારણ કે મુશ્કેલીના સમયમાં તે તરત જ કામ આવે છે.