Special FD: આ ખાનગી બેંકે સ્વતંત્રતા દિવસ પર સ્પેશિયલ FD લોન્ચ કરી, જાણો કોણ રોકાણ કરી શકે છે અને કેટલું મળશે વ્યાજ?

બેંક હાલમાં રૂ. 2 કરોડથી ઓછીની FD પર 5.5 ટકાના દરે વ્યાજ ઓફર કરી રહી છે. આ સિવાય બે વર્ષની પાંચ વર્ષની FD પર 5.65 ટકા વ્યાજ મળી રહ્યું છે.

પ્રતિકાત્મક તસવીર

Special FD: ખાનગી ક્ષેત્રની કર્ણાટક બેંક લિમિટેડ (KBL) એ સ્વતંત્રતા દિવસના અવસર પર તેના ગ્રાહકોને એક ખાસ ભેટ આપી છે. બેંકે આ ગિફ્ટ 75મા સ્વતંત્રતા દિવસ પર આઝાદીના અમૃત ઉત્સવની ઉજવણી માટે આપી છે.

બેંકની વેબસાઇટ અનુસાર, આ સ્કીમનું નામ KBL અમૃત સમૃદ્ધિ છે, જેમાં ACC અને ફિક્સ્ડ ડિપોઝિટ જેવી બે શ્રેણીઓ છે. બેંક 75 અઠવાડિયાની મુદતવાળી FD પર 6.10 ટકાના દરે વ્યાજ ઓફર કરી રહી છે. બેંકે કહ્યું કે આઝાદીની 75મી વર્ષગાંઠના અવસર પર આ ખાસ સ્કીમ લોન્ચ કરવામાં આવી છે અને આ FD 525 દિવસ અથવા 75 અઠવાડિયામાં મેચ્યોર થશે.

ઓફર ટૂંકા સમય માટે છે

બેંકના MD અને CEO મહાબળેશ્વર એમએસએ જણાવ્યું હતું કે, ભારત આજે તેના સુવર્ણ ઇતિહાસના દિવસની ઉજવણી કરી રહ્યું છે. સ્વતંત્રતાના આ ખાસ અવસર પર અમારી બેંકે તેના ગ્રાહકો માટે એક ખાસ ભેટ પણ આપી છે. KBL અમૃત સમૃદ્ધિ જેવા નવા ઉત્પાદનો સાથે, બેંકે તેના ગ્રાહકો માટે ઊંચા વ્યાજ દરની FD રજૂ કરી છે. હું અમારા તમામ ગ્રાહકોને આ ટૂંકી ઓફરનો લાભ લેવા અપીલ કરું છું.

FD પર અત્યાર સુધી કેટલું વ્યાજ છે

બેંક હાલમાં રૂ. 2 કરોડથી ઓછીની FD પર 5.5 ટકાના દરે વ્યાજ ઓફર કરી રહી છે. આ સિવાય બે વર્ષની પાંચ વર્ષની FD પર 5.65 ટકા વ્યાજ મળી રહ્યું છે, 5 થી 10 વર્ષની FD પર 5.70 ટકા વ્યાજ મળી રહ્યું છે. તેવી જ રીતે, 7 દિવસથી 364 દિવસની વિવિધ મુદતવાળી FD પર 3.40 ટકાથી 5 ટકા સુધીનું વ્યાજ મળે છે. આ દરો 2 કરોડથી 50 કરોડની એફડી માટે છે.

જો કે, વરિષ્ઠ નાગરિકોને, બેંક એક થી બે વર્ષની મુદતવાળી 2 કરોડથી ઓછીની FD પર 5.90 ટકા વ્યાજ ચૂકવે છે. એ જ રીતે, બે વર્ષથી વધુની એફડી પર વ્યાજ દર 6.05 ટકા છે, જ્યારે પાંચ વર્ષથી વધુની એફડી પર, વ્યાજ દર 6.20 ટકા છે.

વરિષ્ઠ નાગરિકો માટે વધુ વ્યાજ

બેંકે તેની વેબસાઈટ પર જણાવ્યું છે કે વરિષ્ઠ નાગરિકોને 5 કરોડ રૂપિયા સુધીની FD પર 0.40 ટકા વધુ વ્યાજ આપવામાં આવી રહ્યું છે. આ વ્યાજ 1 થી 5 વર્ષની મુદતવાળી FD માટે છે. વરિષ્ઠ નાગરિકોને 5 થી 10 વર્ષ માટે FD પર 0.50% વધુ વ્યાજ આપવામાં આવી રહ્યું છે.