LIC Premium Payment: ઘરે બેઠા UPIથી ભરો LICનું પ્રીમિયમ, જાણો Paytm, PhonePe સાથે પોલિસી લિંક કરવાની રીત

LIC Policy: પહેલા તમે માત્ર નેટ બેંકિંગ અથવા ક્રેડિટ/ડેબિટ કાર્ડ દ્વારા જ ચૂકવણી કરી શકતા હતા, પરંતુ હવે તમને UPI પેમેન્ટ દ્વારા પણ ચૂકવણી કરવાનો વિકલ્પ મળ્યો છે.

તસવીરનો ઉપયોગ પ્રસ્તુતિકરણ માટે કરવામાં આવ્યો છે

LIC Premium Payment Through UPI:  જીવન વીમા નિગમ દેશભરમાં કરોડો પોલિસીધારકો ધરાવે છે. એલઆઈસી તેના ગ્રાહકો માટે સમયાંતરે વિવિધ યોજનાઓ સાથે આવતી રહે છે. આ સાથે તે ઘરે બેઠા ગ્રાહકોને વિવિધ સેવાઓનો લાભ આપવા માટે ડિજિટલાઇઝેશન પર પણ વિશેષ ભાર આપી રહી છે. જો તમે પણ બેંકમાં જઈને LICની પોલિસીનું પ્રીમિયમ ચૂકવો છો, તો હવે તમારે આવું કરવાની જરૂર નથી.

હવે તમે ફક્ત તમારા UPIને લિંક કરીને ઘરે બેઠા LIC પોલિસીની ચુકવણી કરી શકો છો. પહેલા તમે માત્ર નેટ બેંકિંગ અથવા ક્રેડિટ/ડેબિટ કાર્ડ દ્વારા જ ચૂકવણી કરી શકતા હતા, પરંતુ હવે તમને UPI પેમેન્ટ દ્વારા પણ ચૂકવણી કરવાનો વિકલ્પ મળ્યો છે. ચાલો તમને જણાવીએ કે તમે Paytm અને PhonePe એપનો ઉપયોગ કરીને LIC પ્રીમિયમ કેવી રીતે ચૂકવી શકો છો-

Paytm થી આ રીતે LIC પ્રીમિયમ ભરો-

1. આ માટે સૌથી પહેલા તમારી Paytm એપ ઓપન કરો.
2. અહીં તમને LIC India નો વિકલ્પ દેખાશે. તેના પર ક્લિક કરો.
3. આ પછી તમને LIC પોલિસી નંબર ભરવા માટે કહેવામાં આવશે. તે પછી તમે બાકીની વિગતો ભરો.
4. આ પછી તમારે Proceed For Payment વિકલ્પ પર ક્લિક કરવાનું રહેશે.
5. આ પછી તમે પેમેન્ટનો વિકલ્પ પસંદ કરો.
6. ચુકવણી કર્યા પછી, તમારું LIC પ્રીમિયમ જમા કરવામાં આવશે.
7. આ રીતે તમે ઘરે બેસીને LIC પ્રીમિયમ ચૂકવી શકો છો.

ફોન પેથી આ રીતે LIC પ્રીમિયમ ચૂકવો-

• LIC પ્રીમિયમ ચૂકવવા માટે, સૌ પ્રથમ, તમે PhonePe એપ્લિકેશન ખોલો.
• આ પછી તમને વીમા પ્રીમિયમ ચુકવણીનો વિકલ્પ દેખાશે. તેના પર ક્લિક કરો.
• પછી LIC પ્રીમિયમ ચુકવણી વિકલ્પ પસંદ કરો.
• આગળ તમારો LIC નંબર અને ઈમેલ આઈડી દાખલ કરો અને કન્ફર્મ પર ક્લિક કરો.
• આ પછી તમને પેમેન્ટનો વિકલ્પ દેખાશે. તેને પસંદ કરો.
• તમારા ક્રેડિટ અથવા ડેબિટ કાર્ડની વિગતો ભરો.
• આગળ OTP આવશે, તે નાંખો  અને સબમિટ કરો.
• આ પછી તમારું LIC પ્રીમિયમ જમા થશે.

આ પણ વાંચોઃ