LIC share listing live update: LICનો 872 રૂપિયાના ભાવે થયો લિસ્ટ, રોકાણકારોને થયું નુકસાન
સરકાર આ IPOમાંથી રૂ. 20,557 કરોડ એકત્ર કરવામાં સફળ રહી છે અને એવી અપેક્ષા રાખવામાં આવે છે કે તેનું લિસ્ટિંગ પ્રીમિયમ પર થશે, જેથી રોકાણકારો-વેપારીઓ તેમજ પોલિસીધારકોને લિસ્ટિંગમાં સારો ફાયદો થશે.
Background
LIC IPO Share Listing: દેશની સૌથી મોટી સરકારી વીમા કંપની લાઈફ ઈન્સ્યોરન્સ કોર્પોરેશન ઓફ ઈન્ડિયાના શેરનું લિસ્ટિંગ સ્થાનિક શેરબજારમાં આજે થવા જઈ રહ્યું છે. સવારે LICના શેરના લિસ્ટિંગ સાથે કરોડો રોકાણકારો અને શેરધારકોની રાહનો અંત આવશે.
સરકારે LICના IPOમાંથી રૂ. 21,000 કરોડ એકત્ર કર્યા
સરકાર આ IPOમાંથી રૂ. 20,557 કરોડ એકત્ર કરવામાં સફળ રહી છે અને એવી અપેક્ષા રાખવામાં આવે છે કે તેનું લિસ્ટિંગ પ્રીમિયમ પર થશે, જેથી રોકાણકારો-વેપારીઓ તેમજ પોલિસીધારકોને લિસ્ટિંગમાં સારો ફાયદો થશે.
જો શેરનું લિસ્ટિંગ ધમાકેદાર ન રહે તો રોકાણકારોએ શું કરવું જોઈએ?
શેરબજારમાં તાજેતરની નબળાઈને જોતા બજારના નિષ્ણાતો પણ આશંકા સેવી રહ્યા છે કે તેની શરૂઆત ધીમી થઈ શકે છે. જોકે, બજારના નિષ્ણાતો કહે છે કે રોકાણકારો અને શેરધારકોએ ગભરાવું જોઈએ નહીં અને તેમણે મધ્યમથી લાંબા ગાળા માટે LICના શેર રાખવા જોઈએ.
949 ઇશ્યૂ કિંમત છે
સરકારે LICના શેરની ઇશ્યૂ કિંમત 949 રૂપિયા પ્રતિ શેર નક્કી કરી છે. જોકે, LIC પોલિસીધારકો અને છૂટક રોકાણકારોને અનુક્રમે શેર દીઠ રૂ. 889 અને રૂ. 904ના ભાવે શેર મળશે. આવતીકાલે એટલે કે 17મી મેના રોજ BSE અને NSE પર શેર લિસ્ટ થશે.
લિસ્ટિંગ સાથે દેશની પાંચમી સૌથી મોટી કંપની બની
દેશની સૌથી મોટી સરકારી વીમા કંપની LICનો IPO સ્ટોક એક્સચેન્જમાં લિસ્ટ થયો છે. લિસ્ટિંગે રોકાણકારોને નિરાશ કર્યા છે કારણ કે IPO તેની ઇશ્યૂ કિંમતથી નીચે લિસ્ટ થયો છે. એનએસઈ પર એલઆઈસીનો સ્ટોક 872 રૂપિયા પર જ્યારે બીએસઈ પર 867.20 રૂપિયાના ભાવે લિસ્ટ થયો છે. આ ઇસ્યૂ ભાવથી અંદાજે 8-9 ટકા ઓછા ભાવે લિસ્ટ થયો છે. આમ છતાં, LIC દેશની પાંચમી સૌથી મોટી લિસ્ટેડ કંપની બની ગઈ છે. સ્ટોક એક્સચેન્જમાં લિસ્ટિંગ બાદ LICનું માર્કેટ કેપિટલાઇઝેશન 5.70 લાખ કરોડ રૂપિયાની નજીક છે.
ઘટાડા સાથે ખુલ્યામાં સ્ટોકમાં ઉછાળો
એલઆઈસીનો સ્ટોક એનએસઈ પર 872 રૂપિયા અને બીએસઈ પર 867.20 રૂપિયામાં લિસ્ટ થયા બાદ સ્ટોકમાં શાનદાર રિકવરી જોવા મળી છે. હાલમાં સ્ટોક 915 રૂપિયા આસપાસ ટ્રેડ થઈ રહ્યો છે.
ટોપ સ્ટોરી
ટ્રેન્ડિંગ સમાચાર
