Maruti Suzuki ની લોકપ્રિય કાર Alto K10 થઈ શકે છે બંધ! જાણો કારણ

દેશની સૌથી મોટી કાર નિર્માતા કંપની Maruti Suzuki પોતાની લોકપ્રિય કાર Alto K10 બંધ કરી શકે છે.

નવી દિલ્હી: દેશની સૌથી મોટી કાર નિર્માતા કંપની Maruti Suzuki પોતાની લોકપ્રિય કાર Alto K10 બંધ કરી શકે છે. મીડિયા રિપોર્ટ્સમાં આ વાતની જાણકારી મળી છે કે મારૂતિ સુઝુકીના વધુ પડતા ડીલર્સે Alto k10 નું બુકિંગ લેવાનું પણ બંધ કરી દીધું છે. જ્યારે કેટલાક ડીલર્સે પોતાનો જૂનો સ્ટોક પણ ક્લિયર કરી દીધો છે. Alto K10 અત્યાર સુધી BS4 એન્જીનમાં પણ આવી રહી છે, કંપનીએ પોતાની વધારે પડતી કારને BS6 એન્જીનમાં અપગ્રેડ કરી ચૂકી છે. માનવામાં આવી રહ્યું છે કે કંપની આ કારને હવે BS6 એમિશન નોર્મ્સના અનુરૂપ અપગ્રેડ નહી કરે. દેશમાં આગળ વધીને BS6 એમિશન નોર્મ્સને અનુરૂપ ગાડીઓ જ વેચાશે તો આ પરિસ્થિતીમાં કંપની આ કારને BS6 એમિશનમાં નોર્મ્સના અનુરૂપ અપગ્રેડ ન કરવી એ વાતનો સંકેત છે કે હવે આ કારને બંધ કરવામાં આવી શકે છે. Maruti Suzukiની સત્તાવાર વેબસાઈટ પર Alto K10 હાલ પણ લિસ્ટેડ છે. હાલમાં કારની એક્સ શો રૂમની કિંમત 3.61 લાખ રૂપિયાથી 4.40 લાખ રૂપિયા વચ્ચે છે. S-Presso ની વાત કરવામાં આવે તો તેની કિંમત 3.70 લાખ રૂપિયાથી લઈને 4.99 લાખ રૂપિયા સુધી છે. તે અલ્ટો K10 કરતા ફક્ત 9 હજાર રૂપિયા મોંઘી છે. આ સ્થિતિમાં ગ્રાહક Alto K10 છોડીને નવી S-Presso તરફ આગળ વધશે. એન્જીનની વાત કરવામાં આવે તો મારૂતિ Alto K10 માં BS4, 998cc K10B પેટ્રોલ એન્જીન લાગેલું છે 67 bhp પાવર અને 90 Nmનું ટોર્ક આપે છે. આ એન્જીન 5 સ્પીડ મેન્યુઅલ અને 5-સ્પીડ એએમટી ગિયરબોક્સના ઓપ્શન સાથે આવે છે. એટલું જ નહી આ કાર CNG વર્ઝનમાં પણ ઉપલબ્ધ છે. પેટ્રોલ મોડ પર આ કાર 23.95kmplની માઈલેજ પણ આપે છે, જ્યારે CNG મોડ પર આ કાર 32.23 km/kgની માઈલેજ આપે છે. પરર્ફોરમેન્સના મામલે Alto K10 એક જોરદાર કારના રૂપમાં માનવામાં આવે છે.

Maruti Suzukiએ Alto K10 ને ભારતમાં વર્ષ 2010માં લોન્ચ કરી હતી. પોતાના દમદાર એન્જીન અને શાનદાર પરર્ફોરમેન્સના કારણે આ કાર લોકોનું દિલ જીતી લીધુ હતું.