New SIM Card Rule: આજથી SIM કાર્ડ ખરીદવાના નિયમમાં ફેરફાર, જાણી લો આ વાતો નહી તો થશે 10 લાખ રૂપિયાનો દંડ

New SIM Card Rule:નવા નિયમો લાગુ થયા બાદ દેશમાં સાઇબર ફ્રોડના કેસમાં ઘટાડો થવાની આશા છે

પ્રતિકાત્મક તસવીર

New SIM Card Rule: નવા નિયમો લાગુ થયા બાદ દેશમાં સાઇબર ફ્રોડના કેસમાં ઘટાડો થવાની આશા છે. સામાન્ય લોકોની સુરક્ષા માટે સરકારે આ નિયમો જાહેર કર્યા છે. આનાથી બલ્ક સિમ કાર્ડ ખરીદવા અને નવા સિમ કાર્ડ ખરીદવા પર પણ અસર થશે. ચાલો જાણીએ કે કયા નવા ફેરફારો થઈ રહ્યા છે.                

આપવી પડશે બધી ડિટેઇલ્સ

નવું સિમ કાર્ડ ખરીદવા માટે ગ્રાહકોએ હવે પહેલા કરતા વધુ વિગતો આપવી પડશે. તેની મદદથી સત્તાવાળાઓ સિમ કાર્ડ સાથે જોડાયેલ વ્યક્તિને સરળતાથી ટ્રેક કરી શકશે. સાઇબર ફ્રોડના મામલામાં આ ફાયદાકારક રહેશે.

સાયબર ફ્રોડને રોકવા માટે કડક નિયમો

કારણ કે સાઇબર છેતરપિંડીના મોટાભાગના કેસોમાં નકલી નામોથી ખરીદેલા સિમ કાર્ડનો ઉપયોગ કરવામાં આવે છે. આવી સ્થિતિમાં નવા નિયમો લાગુ થયા પછી કોઈ બીજાના નામ પર સિમ ખરીદવું મુશ્કેલ બનશે.

જો તમે સિમ કાર્ડ બદલશો તો શું થશે?

જો તમે તમારા હાલના નંબર માટે સિમ કાર્ડ ખરીદી રહ્યા છો તો તમારે તમારું આધાર કાર્ડ અને ડેમોગ્રાફિક ડેટા બંને આપવા પડશે. એટલું જ નહીં તમે જેની પાસેથી સિમ ખરીદશો તેને પણ વેરિફિકેશન પ્રક્રિયામાંથી પસાર થવું પડશે.

ડિલરનું પણ વેરિફિકેશન થશે

સરકારે સિમ કાર્ડ ડિલરો માટે પણ વેરિફિકેશન ફરજિયાત બનાવ્યું છે. એટલે કે, સિમ કાર્ડ જાહેર કરતી વખતે સિમ ખરીદનારના દસ્તાવેજો ચોક્કસપણે જરૂરી રહેશે. ડિલરનું વેરિફિકેશન પણ થશે.

10 લાખ રૂપિયા સુધીનો દંડ

જો નિયમોનું પાલન કરવામાં બેદરકારી જોવા મળે છે તો સરકાર 10 લાખ રૂપિયા સુધીનો દંડ કરી શકે છે. જથ્થાબંધ સિમ કાર્ડ જાહેર કરવા અંગેના નવા નિયમોમાં પણ ફેરફાર કરવામાં આવ્યા છે. બલ્ક સિમ કાર્ડ ખરીદવા માટે તમારી પાસે બિઝનેસ કનેક્શન હોવું આવશ્યક છે.

90 દિવસ પછી જ કોઈ બીજાને સિમ આપવામાં આવશે

યુઝર્સ તેના ID પર વધુમાં વધુ 9 સિમ કાર્ડ ખરીદી શકે છે. જો તમે સિમ કાર્ડ ડિએક્ટિવેટ કરો છો તો તે નંબર 90 દિવસ પછી જ અન્ય વ્યક્તિને આપવામાં આવશે. જો કોઈ સિમ વેન્ડર 30 નવેમ્બર સુધીમાં રજીસ્ટર નહીં કરાવે તો તેને દંડ અને જેલ મોકલી શકાય છે.