Paytm Share Crash: Paytm શેર 11% ના ઘટાડા સાથે 500 રૂપિયાની નીચે સરકી ગયો, IPO પ્રાઇસ લેવલથી 78% ગબડ્યો
ફિનટેક કંપની Paytmનો IPO ગયા વર્ષે નવેમ્બર 2021માં આવ્યો હતો. ત્યારબાદ કંપનીએ શેર દીઠ રૂ. 2150ના ભાવે આઈપીઓ લાવી.
Paytm Share Crash: મંગળવારના ટ્રેડિંગ સેશનમાં, Paytmનો શેર ઊંધા માથે પટકાયો છે. આ પહેલીવાર છે જ્યારે Paytmનો સ્ટોક રૂ.500થી નીચે ગયો છે. કંપની નવેમ્બર 2021માં 2150 રૂપિયા પ્રતિ શેરના ભાવે IPO લાવી હતી. પરંતુ રૂ. 2150નો શેર ઇશ્યૂ ભાવથી 78 ટકા ઘટીને રૂ. 477ના સ્તરે પહોંચી ગયો છે.
પ્રથમ વખત 500 રૂપિયાની નીચે ગયો
સવારે શેરબજાર ખુલ્યું ત્યારે Paytmનો સ્ટોક રૂ.535ના ભાવે ખૂલ્યો હતો. પરંતુ થોડી જ વારમાં, શેર રૂ. 500ના સ્તરને તોડીને રૂ. 477ની રેકોર્ડ નીચી સપાટીએ 11 ટકાથી વધુ તૂટ્યો હતો. Paytmનું માર્કેટ કેપ પણ ઘટીને 31,363 કરોડ રૂપિયા પર આવી ગયું છે.
મોટા રોકાણકારો શેર વેચી રહ્યા છે
અગાઉ 17 નવેમ્બર, 2022 ના રોજ, સ્ટોક એક્સચેન્જમાં પેટીએમના શેરમાં બ્લોક ડીલ પછી, જ્યારે જાપાની રોકાણકાર સોફ્ટબેંકે બ્લોક ડીલ દ્વારા પેટીએમમાં તેનો હિસ્સો વેચ્યો ત્યારે સ્ટોકમાં ભારે વેચવાલી થઈ હતી. 18 નવેમ્બર, 2022ના રોજ પેટીએમના આઈપીઓ પહેલા, કંપનીમાં રોકાણ કરનારા મોટા રોકાણકારો માટે લોક-ઈન પીરિયડ સમાપ્ત થઈ ગયો, ત્યારબાદ મોટા રોકાણકારો પેટીએમના શેરનું સતત વેચાણ કરી રહ્યા છે.
રોકાણકારોને 1.07 લાખ કરોડનું નુકસાન
ફિનટેક કંપની Paytmનો IPO ગયા વર્ષે નવેમ્બર 2021માં આવ્યો હતો. ત્યારબાદ કંપનીએ શેર દીઠ રૂ. 2150ના ભાવે આઈપીઓ લાવી. પરંતુ સ્ટોક એક્સચેન્જમાં લિસ્ટિંગ બાદ Paytmના સ્ટોકમાં સતત ઘટાડો થઈ રહ્યો છે. 2150 રૂપિયાનો શેર હવે ઘટીને 477 રૂપિયા થઈ ગયો છે. શેર IPOની કિંમતથી લગભગ 78 ટકા નીચે આવ્યો છે. જ્યારે Paytm રૂ. 2150ના ભાવે IPO લાવ્યું ત્યારે તેનું માર્કેટ કેપ રૂ. 1.39 લાખ કરોડ હતું, જે હવે રૂ. 31,363 કરોડ છે. એટલે કે રોકાણકારોને લગભગ 1.07 લાખ કરોડનું નુકસાન થયું છે.
આ IPOને રોકાણકારોએ જબરદસ્ત પ્રતિસાદ મળ્યો હતો. પરંતુ ડિસ્કાઉન્ટ પર લિસ્ટિંગ થયા બાદ કંપની શેરમાં થયેલા ઘટાડામાંથી બહાર આવી શકી નથી. પેટીએમના શેરો નવેમ્બર 2021માં 9 ટકાના ડિસ્કાઉન્ટ સાથે રૂ. 1,950માં શેરબજારમાં લિસ્ટ થયો હતો.
10 વર્ષ પહેલા Paytm ની શરૂઆત થઈ હતી
Paytm લગભગ 10 વર્ષ પહેલા શરૂ થયું હતું. શરૂઆતમાં કંપની મોબાઇલ રિચાર્જ પ્લેટફોર્મ તરીકે જાણીતી હતી, પરંતુ 2016 માં નોટબંધી દરમિયાન, CEO વિયજ શેખર શર્માના નેતૃત્વમાં Paytm Paymate સેવામાં મોટો ઉછાળો જોવા મળ્યો હતો.
ટોપ સ્ટોરી
ટ્રેન્ડિંગ સમાચાર
