1 તોલા સોનાનો ભાવ ₹3 લાખ? આ રિપોર્ટ વાંચીને મધ્યમ વર્ગનું ટેન્શન વધી જશે

gold price prediction 2029: સોનાની ચમક ઓછી થવાનું નામ નથી લઈ રહી. જે લોકો અત્યારે ₹1.41 Lakh પ્રતિ 10 ગ્રામનો ભાવ જોઈને ચિંતામાં છે, તેમના માટે આવનારો સમય વધુ કપરો સાબિત થઈ શકે છે.

દીકરીના લગ્ન માટે બચત કરતા પિતા હોય કે મધ્યમ વર્ગનો રોકાણકાર, અમેરિકાના એક દિગ્ગજ અર્થશાસ્ત્રીની આગાહીએ સૌની ચિંતા વધારી દીધી છે. તેમના મતે આગામી થોડા વર્ષોમાં સોનાના ભાવ વર્તમાન સ્તરથી બમણા થઈને ₹3 Lakh ને પાર કરી જશે.

બજારના પીઢ નિષ્ણાત અને અનુભવી અમેરિકન અર્થશાસ્ત્રી એડ યાર્ડેનીએ એક એવો દાવો કર્યો છે જેનાથી નાણાકીય જગતમાં ખળભળાટ મચી ગયો છે. તેમના વિશ્લેષણ મુજબ, સોનાની આ તેજી અટકવાની નથી. યાર્ડેનીનું માનવું છે કે આ દાયકાના અંત સુધીમાં, એટલે કે વર્ષ 2029 સુધીમાં વૈભવ બજારમાં સોનું $10,000 (દસ હજાર ડોલર) પ્રતિ ઔંસના જાદુઈ આંકડાને સ્પર્શી જશે, જે અત્યાર સુધીની સૌથી મોટી તેજી હશે.

આવો આ ગણિતને સરળ ભાષામાં સમજીએ. હાલમાં વૈશ્વિક બજારમાં સોનાનો ભાવ પ્રતિ ઔંસ $4,410 ની આસપાસ છે. જો યાર્ડેનીની આગાહી સાચી પડે છે, તો તેનો અર્થ એ થાય કે ભાવમાં સીધો 127% નો ઉછાળો આવશે. ભારતીય બજારના સંદર્ભમાં ગણતરી કરીએ તો, જે સોનું આજે ₹1.41 Lakh ની આસપાસ છે, તે 2029 સુધીમાં વધીને ₹3.08 Lakh પ્રતિ 10 ગ્રામ સુધી પહોંચી શકે છે. આટલો જંગી ઉછાળો માત્ર 3 થી 4 વર્ષના ટૂંકા ગાળામાં જોવા મળી શકે છે.