2000 રુપિયાની નોટને લઈ RBIએ આપી મહત્વની જાણકારી, જાણો તેના વિશે
રિઝર્વ બેંક ઓફ ઈન્ડિયા (RBI) એ મંગળવારે કહ્યું કે 2,000 રૂપિયાની 98.21 ટકા નોટો બેંકિંગ સિસ્ટમમાં પાછી આવી ગઈ છે.
રિઝર્વ બેંક ઓફ ઈન્ડિયા (RBI) એ મંગળવારે કહ્યું કે 2,000 રૂપિયાની 98.21 ટકા નોટો બેંકિંગ સિસ્ટમમાં પાછી આવી ગઈ છે. જો કે 6,366 કરોડ રૂપિયાની આવી નોટો હજુ પણ લોકો પાસે છે. રિઝર્વ બેંક ઓફ ઈન્ડિયાએ 19 મે, 2023ના રોજ ચલણમાંથી રૂ. 2000ની બેંક નોટો પાછી ખેંચી લેવાની જાહેરાત કરી હતી. 19 મે, 2023ના રોજ કારોબારના અંતે ચલણમાં રહેલી રૂ. 2000ની બેંક નોટોનું કુલ મૂલ્ય રૂ. 3.56 લાખ કરોડ હતું, એમ આરબીઆઈએ જણાવ્યું હતું.
હવે 31 માર્ચ, 2025 ના રોજ બિઝનેસ બંધ થવા પર, તેમનું કુલ મૂલ્ય ઘટીને રૂ. 6,366 કરોડ થશે.RBIએ નિવેદનમાં જણાવ્યું "આ રીતે, 19 મે, 2023ના રોજ ચલણમાં રહેલી રૂ. 2,000ની બેંક નોટોમાંથી 98.21 ટકા પરત આવી ગઈ છે".
2023 સુધીમાં તમામ બેંક શાખાઓમાં ઉપલબ્ધ હતી
7 ઓક્ટોબર, 2023 સુધી તમામ બેંક શાખાઓમાં રૂ. 2,000ની બેંક નોટ જમા કરાવવા અને/અથવા બદલાવવાની સુવિધા ઉપલબ્ધ હતી. જો કે, આ સુવિધા હજુ પણ રિઝર્વ બેંકની 19 ઓફિસોમાં ઉપલબ્ધ છે. 9 ઑક્ટોબર, 2023 થી, આરબીઆઈની ઑફિસ પણ વ્યક્તિઓ અને સંસ્થાઓ પાસેથી તેમના બેંક ખાતામાં જમા કરાવવા માટે રૂ. 2000ની બેંક નોટ સ્વીકારી રહી છે. આ સિવાય સામાન્ય લોકો 2000 રૂપિયાની નોટ ભારતીય પોસ્ટ દ્વારા દેશની કોઈપણ પોસ્ટ ઑફિસમાંથી RBIની કોઈપણ ઑફિસને તેમના બેંક ખાતામાં જમા કરાવવા માટે મોકલી શકે છે. બે હજાર રૂપિયાની નોટ લીગલ ટેન્ડર રહેશે.
તમે હજુ પણ ₹2000 ની નોટ પરત કરી શકો છો
તમને જણાવી દઈએ કે, 19 મે, 2023 ના રોજ, ભારતીય રિઝર્વ બેંક (RBI) એ 2000 રૂપિયાની નોટોને ચલણમાંથી પાછી ખેંચવાની જાહેરાત કરી હતી. આમ, 19 મે, 2023 સુધીમાં ચલણમાં રહેલી રૂ. 2,000ની 98.18 ટકા નોટો પરત આવી ગઈ છે, એમ આરબીઆઈએ એક નિવેદનમાં જણાવ્યું હતું. 7 ઓક્ટોબર, 2023 સુધી તમામ બેંક શાખાઓમાં રૂ. 2000ની નોટ જમા કરાવવા અને/અથવા બદલાવવાની સુવિધા ઉપલબ્ધ હતી. જો કે, આ સુવિધા હજુ પણ રિઝર્વ બેંકની 19 પ્રાદેશિક કચેરીઓમાં ઉપલબ્ધ છે.
નોટ લીગલ ટેન્ડર રહેશે
9 ઓક્ટોબર, 2023 થી, RBI પ્રાદેશિક કચેરીઓ પણ વ્યક્તિઓ અને સંસ્થાઓ પાસેથી તેમના બેંક ખાતામાં જમા કરાવવા માટે રૂ. 2000 ની બેંક નોટો સ્વીકારી રહી છે. ઉપરાંત, સામાન્ય લોકો 2000 રૂપિયાની બેંક નોટો ભારતીય પોસ્ટ દ્વારા દેશની કોઈપણ પોસ્ટ ઓફિસમાંથી RBIની કોઈપણ પ્રાદેશિક કચેરીને તેમના બેંક ખાતામાં જમા કરાવવા માટે મોકલી શકે છે. 2000 રૂપિયાની બેંક નોટ લીગલ ટેન્ડર રહેશે.
ટોપ સ્ટોરી
ટ્રેન્ડિંગ સમાચાર
