ફરી નોટબંધી ? શું માર્ચ 2026 થી 500 ની નોટ રદ્દી થઈ જશે ? જાણો RBI નો મોટો ખુલાસો
rbi banning 500 rupee notes: લોકોમાં વધી રહેલી મૂંઝવણને જોતા સરકારની સત્તાવાર ફેક્ટ ચેકિંગ એજન્સી, પ્રેસ ઇન્ફર્મેશન બ્યુરો (PIB) એ તાત્કાલિક હસ્તક્ષેપ કર્યો છે.
rbi banning 500 rupee notes: સોશિયલ મીડિયા પર ફરી એકવાર નોટબંધી (Demonetization) જેવો માહોલ સર્જવાનો પ્રયાસ થઈ રહ્યો છે. એક વાયરલ મેસેજમાં દાવો કરવામાં આવ્યો છે કે રિઝર્વ બેંક ઓફ ઈન્ડિયા (RBI) આગામી માર્ચ 2026 થી 500 રૂપિયાની ચલણી નોટો બંધ કરવા જઈ રહી છે. આ સમાચારે સામાન્ય લોકોમાં ગભરાટ ફેલાવ્યો છે. જોકે, સરકારે આ અંગે તાત્કાલિક ખુલાસો કરીને સત્ય બહાર લાવ્યું છે. શું ખરેખર નોટો બંધ થવાની છે? ચાલો જાણીએ આ દાવાની હકીકત.
સોશિયલ મીડિયા પર ફેલાયેલો વાયરલ દાવો
આજના ડિજિટલ યુગમાં સોશિયલ મીડિયા (Social Media) પર કોઈ પણ માહિતી આગની જેમ ફેલાઈ જાય છે. હાલમાં વોટ્સએપ અને અન્ય પ્લેટફોર્મ પર એક મેસેજ ફરી રહ્યો છે, જેમાં કહેવામાં આવ્યું છે કે RBI માર્ચ 2026 પછી 500 રૂપિયાની નોટ ચલણમાંથી રદ કરશે અને ATM માંથી પણ આ નોટો નીકળવાનું બંધ થઈ જશે. આ પ્રકારના અધૂરા અને ભ્રામક દાવાઓને કારણે લોકોમાં ચિંતા વધી ગઈ છે અને તેમને 2016 ની નોટબંધીના દિવસો યાદ આવી ગયા છે.
PIB ફેક્ટ ચેક: દૂધનું દૂધ અને પાણીનું પાણી
લોકોમાં વધી રહેલી મૂંઝવણને જોતા સરકારની સત્તાવાર ફેક્ટ ચેકિંગ એજન્સી, પ્રેસ ઇન્ફર્મેશન બ્યુરો (PIB) એ તાત્કાલિક હસ્તક્ષેપ કર્યો છે. PIB ની ટીમે તપાસ બાદ સ્પષ્ટ શબ્દોમાં જણાવ્યું છે કે 500 રૂપિયાની નોટ બંધ કરવાના સમાચાર તદ્દન ખોટા અને પાયાવિહોણા છે. RBI દ્વારા આવી કોઈ જ જાહેરાત કરવામાં આવી નથી. 500 રૂપિયાની નોટ સંપૂર્ણપણે કાયદેસર છે અને ભવિષ્યમાં પણ તેનો ઉપયોગ કોઈપણ અડચણ વગર રોકડ વ્યવહાર (Cash Transaction) માટે કરી શકાશે.
RBI to stop ₹500 notes from ATMs by March 2026❓🤔
— PIB Fact Check (@PIBFactCheck) January 2, 2026
Some social media posts claim that the Reserve Bank of India will discontinue the circulation of ₹500 notes by March 2026.#PIBFactCheck:
❌This claim is #fake!
✅ @RBI has made NO such announcement.
✅ ₹500 notes have… pic.twitter.com/F0Y3t0wHSf
ATM અને રોકડ ઉપાડ અંગેની સ્પષ્ટતા
વાયરલ મેસેજમાં એવો પણ દાવો હતો કે ATM માંથી 500 ની નોટો હટાવી લેવામાં આવશે. વાસ્તવિકતા એ છે કે દેશના મોટાભાગના ઓટોમેટેડ ટેલર મશીન (ATM) માં 500 રૂપિયાની નોટોનો જથ્થો સૌથી વધુ હોય છે, જેથી લોકો સરળતાથી મોટી રકમ ઉપાડી શકે. જો આ નોટો બંધ થાય તો રોકડ ઉપાડની વ્યવસ્થા ખોરવાઈ શકે છે. હાલમાં સરકાર કે રિઝર્વ બેંક પાસે ATM માંથી 500 ની નોટ દૂર કરવાની કોઈ જ યોજના નથી.
વારંવાર ફેલાવવામાં આવે છે આવી અફવાઓ
આ પ્રથમ ઘટના નથી જ્યારે ચલણી નોટો વિશે ખોટી માહિતી ફેલાઈ હોય. આ પહેલા જૂન 2025 અને ઓગસ્ટ 2025 માં પણ આવા જ દાવાઓ સામે આવ્યા હતા. તે સમયે પણ સરકારે તેનું ખંડન કર્યું હતું. ખુદ નાણા રાજ્યમંત્રી પંકજ ચૌધરીએ સંસદમાં સ્પષ્ટતા કરી હતી કે 500 રૂપિયાની નોટોનો પુરવઠો રોકવાનો સરકારનો કોઈ પ્રસ્તાવ નથી. નાગરિકોને અપીલ છે કે તેઓ સત્તાવાર સ્ત્રોતોની ખરાઈ કર્યા વગર આવા બ્રેકિંગ ન્યૂઝ (Breaking News) ફોરવર્ડ ન કરે.
ટોપ સ્ટોરી
ટ્રેન્ડિંગ સમાચાર
