RBI MPC Meet: આગામી સપ્તાહ આરબીઆઇ આપી શકે છે ઝટકો, જાણો કેટલી મોંઘી થશે લોન

RBI MPC Meet: ભારતીય રિઝર્વ બેંકની MPC બેઠક આવતા અઠવાડિયે યોજાવા જઈ રહી છે. આ બેઠકમાં પણ RBI રેપો રેટ વધારી શકે છે.

RBI MPC Meet

RBI MPC Meet: ભારતીય રિઝર્વ બેંકની MPC બેઠક આવતા અઠવાડિયે યોજાવા જઈ રહી છે. આ બેઠકમાં પણ RBI રેપો રેટ વધારી શકે છે.

ભારતીય રિઝર્વ બેંકની MPC બેઠક આવતા અઠવાડિયે યોજાવા જઈ રહી છે. આ બેઠકમાં પણ RBI રેપો રેટ વધારી શકે છે. એવું માનવામાં આવે છે કે આગામી સપ્તાહે યોજાનારી નાણાકીય સમીક્ષા નીતિની બેઠકમાં દરોમાં 0.40 ટકાનો વધુ વધારો કરવામાં આવી શકે છે.

આગામી મીટીંગ ક્યારે થઈ શકે?

તમને જણાવી દઈએ કે આગામી બેઠક 6 જૂનથી 8 જૂન સુધી થઈ શકે છે. આરબીઆઈની નાણાકીય નીતિની બેઠક 6 જૂન, 2022થી 3 દિવસ માટે શરૂ થશે. અને 8મી જૂને નાણાકીય નીતિમાં લેવાયેલા નિર્ણયની જાહેરાત કરવામાં આવશે.

છેલ્લી બેઠક 4 મેના રોજ મળી હતી

4 મેના રોજ મોનેટરી પોલિસીની બેઠક બાદ RBIએ અચાનક રેપો રેટમાં 40 બેસિસ પોઈન્ટનો વધારો કરીને 4.40 ટકા અને કેશ રિઝર્વ રેશિયોમાં 50 બેસિસ પોઈન્ટનો વધારો કરીને 4 ટકાથી 4.50 ટકા કરી દીધો હતો. જોકે, CRRમાં વધારો 21 મેથી લાગુ થવા જઈ રહ્યો છે. જે બાદ બેંક સિસ્ટમમાં હાજર રોકડ ઘટશે.

લોનના દરમાં વધારો

RBI દ્વારા રેપો રેટમાં 40 બેસિસ પોઈન્ટનો વધારો કરવામાં આવ્યો ત્યારથી સરકારી અને ખાનગી બેંકોએ હોમ લોનથી લઈને તમામ પ્રકારની લોનના દરોમાં સતત વધારો કર્યો છે.

ભવિષ્યમાં EMI વધુ મોંઘી થશે

જે ગ્રાહકોએ પહેલાથી જ લોન લીધી છે તેમની EMI મોંઘી થઈ રહી છે અને જૂનની મીટિંગ પછી પણ મોંઘી EMI મેળવવાની પ્રક્રિયા બંધ થવાની નથી. જૂનમાં, RBI ફરી રેપો રેટ વધારશે, જેના પછી તમારી EMI વધુ મોંઘી થઈ જશે. EMI વધતાં મોંધવારીનો વધુ એક ઝટકો લોકોને સહન કરવો પડશેય