Stock Market Closing: શેર બજારમાં બોલ્યો કડાકો, સેન્સેક્સ 440 પોઈન્ટ તૂટ્યો
Stock Market Closing: માર્કેટમાં વેચવાલીના કારણે શેર બજારમાં કડાકો બોલ્યો છે. સેન્સેક્સ દિવસની ટોચથી 923 પોઈન્ટ તૂટી ગયો છે જ્યારે નિફ્ટી ફરીથી 19700 ની નીચે પહોંચી ગયો છે.
Stock Market Closing On 27 July 2023: ગુરુવારના ટ્રેડિંગ સેશનમાં ફરીથી શેરબજારના રોકાણકારોને નિરાશાનો સામનો કરવો પડ્યો. પ્રોફિટ બુકિંગના કારણે બજાર ઘટાડા સાથે બંધ થયું. બેંકિંગ, એફએમસીજી શેરોમાં વેચવાલી જોવા મળી હતી, જેના કારણે આજે બજાર બંધ થતાં સેન્સેક્સ 440 પોઈન્ટ ઘટીને 66,266 પર અને નેશનલ સ્ટોક એક્સચેન્જનો નિફ્ટી 118 પોઈન્ટના ઘટાડા સાથે 19,699 પોઈન્ટ પર બંધ થયો હતો. એક સમયે સેન્સેક્સ તેની ઊંચાઈથી 920 અને નિફ્ટી 264 પોઈન્ટ નીચે સરકી ગયો હતો. પરંતુ બજારમાં નીચલા સ્તરેથી રિકવરી જોવા મળી હતી.
Sensex plunges 440.38 points to settle at 66,266.82; Nifty declines 118.40 points to 19,659.90
— Press Trust of India (@PTI_News) July 27, 2023
સેક્ટરની સ્થિતિ
આજના કારોબારમાં બેન્કિંગ, ઓટો, આઈટી, એફએમસીજી, મેટલ્સ, એનર્જી, મીડિયા, કન્ઝ્યુમર ડ્યુરેબલ્સ અને ઓઈલ એન્ડ ગેસ સેક્ટરના શેરો ઘટીને બંધ રહ્યા હતા. જ્યારે ફાર્મા અને હેલ્થકેર સેક્ટરના શેરોમાં ખરીદી જોવા મળી હતી. નિફ્ટી ફાર્મામાં 440 પોઈન્ટ અથવા 3.04 ટકાનો ઉછાળો જોવા મળ્યો છે. નિફ્ટી ફાર્માના તમામ 10 શેર લાલ નિશાનમાં બંધ થયા છે. મિડ કેપ અને સ્મોલ કેપ ઈન્ડેક્સ પણ તેજી સાથે બંધ થયા છે. સેન્સેક્સના 30 શેરોમાંથી 14 વધ્યા અને 16 ઘટાડા સાથે બંધ થયા. નિફ્ટીના 50 શેરોમાંથી 23 વધ્યા અને 27 ઘટાડા સાથે બંધ થયા.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | ફેરફાર ટકાવારીમાં |
| BSE Sensex | 66,266.82 | 66,984.17 | 66,060.74 | -0.66% |
| BSE SmallCap | 34,379.25 | 34,573.90 | 34,331.61 | 00:01:00 |
| India VIX | 10.51 | 10.98 | 9.89 | 0.53% |
| NIFTY Midcap 100 | 37,151.60 | 37,297.00 | 37,025.40 | 0.27% |
| NIFTY Smallcap 100 | 11,578.75 | 11,663.30 | 11,558.15 | 0.16% |
| NIfty smallcap 50 | 5,217.20 | 5,271.10 | 5,204.85 | -0.09% |
| Nifty 100 | 19,566.70 | 19,752.45 | 19,510.30 | -0.48% |
| Nifty 200 | 10,372.15 | 10,460.60 | 10,341.70 | -0.38% |
| Nifty 50 | 19,659.90 | 19,867.55 | 19,603.55 | -0.60% |
ટોપ લૂઝર્સ
ટોપ ગેઈનર્સ
સેન્સેક્સમાં ઉતાર ચઢાવ
રોકાણકારોની સંપત્તિમાં ઘટાડો
શેરબજારમાં ઘટાડાને કારણે રોકાણકારોની સંપત્તિમાં ભારે ઘટાડો થયો છે. BSE પર લિસ્ટેડ કંપનીઓનું માર્કેટ કેપ ઘટીને રૂ. 303.59 લાખ કરોડ થયું હતું, જે બુધવારે રૂ. 303.92 લાખ કરોડ હતું. આજના સત્રમાં રોકાણકારોની સંપત્તિમાં 33000 કરોડ રૂપિયાનો ઘટાડો થયો છે.
સવારે કેવી હતી શરુઆત
વૈશ્વિક બજારની મજબૂતીના જોરે આજે ભારતીય શેરબજારમાં પણ તેજી સાથે શરૂઆત થઈ હતી. અમેરિકામાં ફરી એક વખત વ્યાજ દરમાં વધારા બાદ અમેરિકાના બજારમાં તેજીનો કરન્ટ જોવા મળ્યો હતો જેની અસર વૈશ્વિક બજારો પર પણ જોવા મળી. સેન્સેક્સ 207.26 પોઈન્ટ અથવા 0.31% વધીને 66,914.46 પર અને નિફ્ટી 68.00 પોઈન્ટ અથવા 0.34% વધીને 19,846.30 પર હતો. લગભગ 1604 શેર વધ્યા, 535 શેર ઘટ્યા અને 91 શેર યથાવત. નિફ્ટીમાં સિપ્લા, બજાજ ફાઇનાન્સ, હિન્દાલ્કો ઇન્ડસ્ટ્રીઝ, ઇન્ફોસિસ અને લાર્સન એન્ડ ટુબ્રો ટોપ ગેઈનર્સ હતા, જ્યારે એમએન્ડએમ, ટેક મહિન્દ્રા, ટાટા કન્ઝ્યુમર પ્રોડક્ટ્સ, હીરો મોટોકોર્પ અને એચયુએલ ઘટ્યા હતા.
Join Our Official Telegram Channel: https://t.me/abpasmitaofficial
ટ્રેન્ડિંગ સમાચાર
ટોપ સ્ટોરી
