Stock Market Closing: સપ્તાહના પ્રથમ કારોબારી દિવસે સેન્સેક્સ 334.98 ઘટાડા સાથે બંધ, Adani Ports માં 9% નો ઉછાળો
Closing Bell: ભારતીય શેરબજારનો સૂચકાંક સેન્સેક્સ આજે 334.98 ઘટાડા સાથે 60566.90 પોઇન્ટ પર અને નિફ્ટી 90.3 પોઇન્ટના ઘટાડા સાથે 17763.75 પોઇન્ટ પર બંધ રહ્યા
Stock Market Closing, 6th February 2023: ભારતીય શેરબજાર માટે સપ્તાહનો પ્રથમ કારોબારી દિવસ નિરાશાજનક રહ્યો. આજે સેન્સેક્સ અને નિફ્ટી ઘટાડા સાથે બંધ રહ્યા. અદાણી પોર્ટ્સ, ઈન્ડસઈન્ડ બેંક, બીપીસીએલ, બજાજ ફાયનાન્સ અને હીરો મોટો કોર્પ નિફ્ટીના ટોચના વધનારા શેર્સ રહ્યા, જ્યારે ડિવિસ લેબ અને ઈન્ફોસિસ ટોચના ઘટનારા શેર્સ હતા.
આજે કેટલા પોઈન્ટનો થયો ઘટાડા
ભારતીય શેરબજારનો સૂચકાંક સેન્સેક્સ આજે 334.98 ઘટાડા સાથે 60566.90 પોઇન્ટ પર અને નિફ્ટી 90.3 પોઇન્ટના ઘટાડા સાથે 17763.75 પોઇન્ટ પર બંધ રહ્યા. બેંક નિફ્ટી 129.55 પોઇન્ટના ઘટાડા સાથે 41370.15 પોઇન્ટ પર બંધ રહી.
રોકાણકારોની સંપત્તિ
સપ્તાહના પ્રથમ કારોબારી દિવસે રોકાણકારોની સંપત્તિ ઘટીને 266.49 લાખ કરોડ થઈ છે. ગત સપ્તાહના અંતિમ કારોબારી દિવસ શુક્રવારે રોકાણકારોની સંપત્તિ 266.55 લાખ કરોડ હતી. શેરબજારમાં વધારો થવા છતાં ગુરુવારે રોકાણકારોની સંપત્તિ ઘટીને 265.84 લાખ કરોડ થઈ હતી. જે બુધવારે 266.68 લાખ કરોડ હતી. મંગળવારે શેરબજારમાં વધારા બાદ રોકાણકારોની સંપત્તિ વધીને 268.78 લાખ કરોડ થઈ હતી.
શેરબજારમાં આજે કેમ થયો ઘટાડો
બેન્કિંગ, આઈટી અને મેટલ્સ શેરોમાં પ્રોફિટ બુકિંગના કારણે આજે શેરબજારમાં આ ઘટાડો થયો.
સેક્ટર અપડેટ
આજના ટ્રેડિંગ સેશનમાં એફએમસીજી, ફાર્મા, મીડિયા, ઈન્ફ્રા, કન્ઝ્યુમર ડ્યુરેબલ્સ અને હેલ્થકેર સેક્ટરના શેરમાં ખરીદી હતી જ્યારે બેન્કિંગ, આઈટી, ઓટો, મેટલ્સ, એનર્જી સેક્ટરના શેરમાં ઘટાડો જોવા મળ્યો હતો. જો કે મિડકેપ અને સ્મોલકેપ શેરોમાં જોરદાર ખરીદારી જોવા મળી. આજે નિફ્ટીના 50માંથી 18 શેર ઉછાળા સાથે જ્યારે 32 નુકસાન સાથે બંધ થયા હતા. બીજી તરફ સેન્સેક્સના 30 શેરોમાંથી 9 શેરો ઉછાળા સાથે અને 21 ઘટીને બંધ રહ્યા હતા. અદાણી ગ્રુપના 10 શેરોમાંથી 4 શેર ઉછાળા સાથે બંધ થયા હતા જ્યારે 6 ઘટ્યા હતા. વધનારા શેરોમાં અદાણી પોર્ટ્સ, અંબુજા સિમેન્ટ, એસીસી અને એનડીટીવીનો સમાવેશ થાય છે.
આજે સવારે કેવી થઈ હતી શરૂઆત
આજે બીએસઈનો સેન્સેક્સ શુક્રવારના 60841.88ની સામે 5.33 પોઈન્ટ વધીને 60847.21 પર ખુલ્યો હતો જ્યારે નિફ્ટી શુક્રવારના 17854.05ની સામે 35.50 પોઈન્ટ ઘટીને 17818.55 પર ખુલ્યો હતો. બેંક નિફ્ટીની વાત કરીએ તો તે શુક્રવારના 41499.7ની સામે 30.45 પોઈન્ટ ઘટીને 41530.15 પર ખુલ્યો હતો.
| ઈન્ડેક્સનું નામ | બંધ થવાનું સ્તર | ઉચ્ચ સ્તર | નિમ્ન સ્તર | બદલાવ (ટકાવારીમાં) |
| BSE MidCap | 24,634.24 | 24,655.09 | 24,402.34 | 00:10:57 |
| BSE Sensex | 60,506.07 | 60,847.21 | 60,345.61 | -0.55% |
| BSE SmallCap | 27,995.20 | 28,042.88 | 27,855.00 | 0.48% |
| India VIX | 14.69 | 15.21 | 14.19 | 2.01% |
| NIFTY Midcap 100 | 30,670.65 | 30,704.35 | 30,336.90 | 0.96% |
| NIFTY Smallcap 100 | 9,466.40 | 9,504.85 | 9,430.70 | 0.54% |
| NIfty smallcap 50 | 4,278.45 | 4,293.10 | 4,246.80 | 0.62% |
| Nifty 100 | 17,611.45 | 17,652.20 | 17,541.80 | -0.43% |
| Nifty 200 | 9,226.60 | 9,237.15 | 9,185.95 | -0.25% |
| Nifty 50 | 17,764.60 | 17,823.70 | 17,698.35 | -0.50% |
આ પણ વાંચોઃ
અદાણીના શેરોને ગબડાવનારી ‘હિંડનબર્ગ’ છે મોટી ખેલાડી, એક દાવમાં કમાઈ લે છે કરોડો રૂપિયા
ટ્રેન્ડિંગ સમાચાર
ટોપ સ્ટોરી
